 |
ថ្លែងទៅកាន់ក្រុមប្រឹក្សាសន្តិសុខអង្គការសហប្រជាជាតិតាមតាមអនឡាញ លោក Mladenov បានអបអរសាទរចំពោះការខិតខំប្រឹងប្រែងសហប្រតិបត្តិការក្នុងការប្រយុទ្ធប្រឆាំងនឹងជំងឺរាតត្បាតសកល Covid-19 ទោះបីជាមានជម្លោះនៅទីនេះក៏ដោយ។ ប៉ុន្តែ លោក Mladenov ក៏បានព្រមានថាភាពតានតឹងនិងការប្រយុទ្ធគ្នានៅតែបន្តកើតមានឡើងក្នុងខែកន្លងមក ដែលបណ្តាលឱ្យអន្តរាយដល់អាយុជីវិតរបស់ប្រជាជនកាន់តែច្រើនឡើងៗផងដែរ។
នាថ្ងៃដដែលនោះ សហភាពអឺរ៉ុប (EU) ក៏បានក្រើនរំលឹកសារជាថ្មីម្តងទៀតនូវទស្សនៈប្រឆាំងជំទាស់ចំពោះអ៊ីស្រាអែល ដែលបានរួមបញ្ចូលតំបន់ West Bank បន្ទាប់ពីនាយករដ្ឋមន្រ្តីអ៊ីស្រាអែល លោក Banjamin Netanyahu និងមេដឹកនាំគណបក្សសនិងខៀវ បានឯកភាពគ្នាបោះឆ្នោតលើបញ្ហានេះក្នុងកិច្ចព្រមព្រៀងបង្កើតរដ្ឋាភិបាលថ្មី ហើយសហភាពអឺរ៉ុបនឹងបន្តតាមដានយ៉ាងដិតដល់អំពីស្ថានភាពនិងផលប៉ះពាល់នានា រួមទាំងនឹងចាត់វិធានការសមស្របបើចាំបាច់ផងដែរ៕
