 រូបថត៖ REUTERS/Dado Ruvic |
ពិធីបើកការចុះហត្ថលេខាលើអនុសញ្ញាអង្គការសហប្រជាជាតិប្រឆាំងឧក្រិដ្ឋកម្មតាមប្រព័ន្ធអ៊ីនធឺណិត ក្រោមប្រធានបទ "ការប្រយុទ្ធប្រឆាំងនឹងឧក្រិដ្ឋកម្មតាមអ៊ីនធឺណិត - ការចែករំលែកការទទួលខុសត្រូវ - ការសម្លឹងឆ្ពោះទៅមុខ" នឹងប្រព្រឹត្តទៅនៅទីក្រុងហាណូយពីថ្ងៃទី ២៥-២៦ ខែតុលា។
តំណាងឱ្យប្រទេសដាណឺម៉ាក ដែលជាប្រទេសកំពុងកាន់តំណែងជាប្រធានប្តូរវេននៃក្រុមប្រឹក្សាសហភាពអឺរ៉ុប រដ្ឋមន្ត្រីក្រសួងយុត្តិធម៌លោក Peter Hummelgaard បានសង្កត់ធ្ងន់ថា ការក្លែងបន្លំព័ត៌មានវិទ្យា ការវាយប្រហារតាមអ៊ីនធឺណិតទ្រង់ទ្រាយធំ ការរំលោភបំពានផ្លូវភេទលើកុមារ និងការកេងប្រវ័ញ្ចផ្លូវភេទនៅក្នុងបរិយាកាសអនឡាញ និងទម្រង់នៃឧក្រិដ្ឋកម្មតាមអ៊ីនធឺណិតកំពុងកើនឡើង។ ការអនុម័តឧបករណ៍ច្បាប់អន្តរជាតិនេះជាជំហានដ៏សំខាន់មួយឆ្ពោះទៅមុខក្នុងការប្រយុទ្ធប្រឆាំងនឹងឧក្រិដ្ឋកម្មប្រភេទនេះ។
អនុសញ្ញានេះនឹងបើកសម្រាប់ការចុះហត្ថលេខាចាប់ពីថ្ងៃទី ២៥ ខែតុលាឆ្នាំនេះដល់ថ្ងៃទី ៣១ ខែធ្នូឆ្នាំក្រោយ ហើយនឹងចូលជាធរមានជាផ្លូវការក្នុងរយៈពេល ៩០ ថ្ងៃបន្ទាប់ពីសំណុំឯកសារផ្តល់សច្ចាប័នទី៤០ ត្រូវបានរក្សាទុក។ ប្រធានក្រុមប្រឹក្សាសហភាពអឺរ៉ុបនឹងផ្តល់អាទិភាពដល់សេចក្តីសម្រេចរបស់ក្រុមប្រឹក្សាសម្រាប់សហភាពអឺរ៉ុប និងរដ្ឋសមាជិករបស់ខ្លួនក្នុងការចុះហត្ថលេខា និងផ្តល់សច្ចាប័នលើអនុសញ្ញានេះ ហើយបញ្ជូនទៅសភាអឺរ៉ុបសម្រាប់ការពិនិត្យអនុម័ត៕
