នៅក្នុងជំនួបធ្វើការនាពេលថ្មីៗនេះ ជាមួយការិយាល័យពាណិជ្ជកម្មវៀត ណាម Aboitiz គ្រុប បានឲ្យដឹងថា វៀតណាមគឺជាទីផ្សារមួយក្នុងចំណោមទីផ្សារដែលក្រុមហ៊ុននឹងផ្តោតលើធនធានរបស់ខ្លួន ដើម្បីពង្រីកការវិនិយោគនាពេលខាងមុខ មិនត្រឹមតែឈប់នៅត្រឹមបង្កើនដើមទុន និងពង្រីកការវិនិយោគក្នុងគម្រោងដែលបានអនុវត្តប៉ុណ្ណោះទេ ថែមទាំងស្វែងរកឱកាសវិនិយោគលើវិស័យថ្មីៗ ជាពិសេសវិស័យថាមពលផងដែរ។
យោងតាមទីប្រឹក្សាពាណិជ្ជកម្មវៀតណាមនៅហ្វីលីពីន លោក Phung Van Thanh ការពិតដែលថា Aboitiz គ្រុប ដែលមានក្រុមហ៊ុន Aboitiz Power ផ្ទាល់ ចង់ពង្រីកការវិនិយោគនៅវៀតណាមគឺជាសញ្ញាបង្ហាញពីការផ្លាស់ប្តូរជាវិជ្ជមានក្នុងទំនាក់ទំនងវិនិយោគទ្វេភាគីរវាងវៀតណាម និងហ្វីលីពីន ជាពិសេសការជឿទុកចិត្តរបស់អ្នកវិនិយោគហ្វីលីពីនក្នុងបរិយាកាសវិនិយោគរបស់វៀតណាម។ កាលពីឆ្នាំមុន ទំហំពាណិជ្ជកម្មនៃការនាំចូលនាំចេញរវាងវៀតណាមនិងហ្វីលីពីនបានលើសពី ៨ ពាន់លានដុល្លារជាផ្លូវការ ដោយកើនដល់ ៨,៦៦ ពាន់លានដុល្លារជាលើកដំបូង៕
