សហរដ្ឋអាមេរិកនៅតែបន្តជាចំណុចកណ្តាលនៃការផ្ទុះជំងឺរាតត្បាតនេះនៅលើពិភពលោកដោយមានអ្នកឆ្លងចំនួន ៩៨៧.១៦០ នាក់ និងអ្នកស្លាប់មានចំនួន ៥៥.៤១៣ នាក់។ បន្ទាប់នេះគឺប្រទេសអេស្ប៉ាញមានអ្នកឆ្លងចំនួន ២២៦.៦២៩ នាក់និងអ្នកស្លាប់មានចំនួន ២៣.១៩០ នាក់។
ស្ថានភាពរាតត្បាតនៅអឺរ៉ុបកំពុងតែមាននិន្នាការថយចុះនៅពេលដែលចំនួនអ្នកស្លាប់បានធ្លាក់ចុះនៅប្រទេសមួយចំនួន ដែលធ្លាប់ត្រូវបានចាត់ទុកថាជាចំណុច កណ្តាលនៃជំងឺរាតត្បាតរបស់អឺរ៉ុប។ ប្រទេសអ៊ីតាលីកាលពីថ្ងៃទី ២៦ ខែមេសាបានកត់ត្រាអ្នកស្លាប់ចំនួន ២៦០ នាក់បន្ថែមទៀតដោយជំងឺ COVID-19 ដែលជាកំរិតកំណើនទាបបំផុតចាប់តាំងពីថ្ងៃទី ១៥ ខែមីនា។ រីឯនៅប្រទេសបារាំងវិញ មានអ្នកស្លាប់ចំនួន ២៤២ នាក់ដែលថយចុះ១/៣បើប្រៀបធៀបនឹងថ្ងៃមុននោះ៕
