រដ្ឋមន្ត្រីក្រសួងវិទ្យាសាស្ត្រ និងបច្ចេកវិទ្យាវៀតណាមលោក Nguyen Manh Hung ជួបពិភាក្សាជាមួយអគ្គនាយកអង្គការកម្មសិទ្ធិបញ្ញាពិភពលោក (WIPO) លោក Daren Tang។ (រូបថត៖ VOV)
ក្នុងក្របខ័ណ្ឌនៃជំនួបពិភាក្សា WIPO និងក្រសួងវិទ្យាសាស្ត្រ និងបច្ចេកវិទ្យាបានចុះហត្ថលេខាលើអនុស្សរណៈនៃការយោគយល់គ្នា (MoU)។ យោងតាម MoU វិស័យអាទិភាពសម្រាប់ការអនុវត្ត រួមមាន៖ ការសុក្រិតគោលនយោបាយ ច្បាប់ និងយុទ្ធសាស្ត្រស្តីពីកម្មសិទ្ធិបញ្ញា; ការជំរុញប្រព័ន្ធចុះឈ្មោះអន្តរជាតិ; ការលើកកម្ពស់សមត្ថភាពសម្រាប់សហគ្រាសធុនតូច មធ្យម និងសហគ្រាសចាប់ផ្តើមអាជីវកម្ម; ពង្រឹងកិច្ចសហប្រតិបត្តិការរវាងវិទ្យាស្ថាន សាលារៀន និងសហគ្រាសដើម្បីធ្វើពាណិជ្ជកម្មកម្មនូវទ្រព្យសម្បត្តិបញ្ញា; ជំរុញការអប់រំ បណ្តុះបណ្តាល លើកកម្ពស់ការយល់ដឹងរបស់សហគមន៍។ ល។
ពិធីចុះហត្ថលេខាលើអនុស្សរណៈនៃការយោគយល់គ្នា (MoU)។ (រូបថត៖ VOV)
យោងតាមអគ្គនាយក WIPO លោក Daren Tang បានឲ្យដឹងថា ការចុះហត្ថលេខាលើ MoU នឹងបើកទំព័រថ្មីនៃកិច្ចសហប្រតិបត្តិការរវាងវៀតណាម និង WIPO ក្នុងបរិបទដែលនិន្នាការពិភពលោកផ្លាស់ប្តូរពី “ការការពារកម្មសិទ្ធិបញ្ញា” ទៅជា “ការធ្វើពាណិជ្ជកម្មកម្មសិទ្ធិបញ្ញា” ជាពិសេសក្នុងបរិបទដែលវៀតណាមជំរុញការវិនិយោគលើការស្រាវជ្រាវ និងអភិវឌ្ឍន៍វិទ្យាសាស្ត្រ បច្ចេកវិទ្យា (R&D) ហើយសម្រេចបានសមិទ្ធិផលបឋមគួរឲ្យកត់សម្គាល់មួយចំនួន។ លោកអគ្គនាយក Daren Tang ក៏បានអះអាងដែរថា WIPO ប្តេជ្ញារួមដំណើរជាមួយវៀតណាមក្នុងការអនុវត្តសេចក្តីសម្រេចចិត្តលេខ ៥៧ (ស្តីពីរបកគំហើញក្នុងការអភិវឌ្ឍវិទ្យាសាស្ត្រ បច្ចេកវិទ្យា នវានុវត្តន៍ និងការផ្លាស់ប្តូរឌីជីថលជាតិ) តាមនោះបង្កើតឡើងសេដ្ឋកិច្ចចំណេះដឹង ឆ្ពោះទៅរកអនាគតសម្រាប់វៀតណាម៕