ប្រជាជនសង្កាត់តឿងម៉ៃ ទទួលបានការណែនាំយ៉ាងហ្មត់ចត់អំពីការផ្លាស់ប្តូរឌីជីថល។ រូបថត៖ tuongmai.hanoi.gov.vn

កាលពីខែសីហាកន្លងមកនេះ គណៈកម្មាធិការប្រជាជនសង្កាត់តឿងម៉ៃ បានបំផុសកម្មវិធីរមួយ ដើម្បីឆ្លើយតបទៅនឹងសេចក្តីណែនាំរបស់គណៈកម្មាធិការប្រជាជនទីក្រុងហាណូយ ស្តីពីការអនុវត្តយុទ្ធនាការរយៈពេល ៤៥ ថ្ងៃទាំងយប់ ចេញដំណើរជួយសកម្មភាពផ្លាស់ប្តូរឌីជីថលនៅក្នុងឃុំ និងសង្កាត់នានា ក្នុងដំណាក់កាលដំបូងនៃដំណើរការគំរូអាជ្ញាធរមូលដ្ឋានពីរកម្រិត និងការដាក់ពង្រាយមជ្ឈមណ្ឌលអក្ខរកម្មឌីជីថលចល័តនៅតាមសង្កាត់។ ស្មារតីនៃកម្មវិធី “អក្ខរកម្មឌីជីថលសម្រាប់ប្រជាជន" បានរីកសាយភាយយ៉ាងឆាប់រហ័សនៅទូទាំងសង្កាត់។ លោកស្រី ង្វៀន ធី ម៉ៃ ឡាន ប្រធាននាយកដ្ឋានវប្បធម៌ និងសង្គមកិច្ចនៃសង្កាត់តឿងម៉ៃ បានឲ្យដឹងថា៖“សង្កាត់បានបង្កើតក្រុមផ្លាស់ប្តូរឌីជីថលសហគមន៍ចំនួន ៧៤ ក្រុម។ យើងបានរៀបចំការបណ្តុះបណ្តាលសម្រាប់ក្រុមផ្លាស់ប្តូរឌីជីថលសហគមន៍នៅក្នុងតំបន់លំនៅដ្ឋាន និងសង្កាត់ដែលមានអ្នកចូលរួមជាង ៥០០ នាក់។ លើសពីនេះ សង្កាត់នេះក៏បានដាក់ពង្រាយក្រុមចល័តដើម្បីជួយដល់ប្រជាជននៅក្នុងតំបន់លំនៅដ្ឋាន។ ជាលទ្ធផល រហូតមកដល់ពេលនេះ ប្រជាជនទទួលបានសិទ្ធិចូលប្រើប្រាស់ការផ្លាស់ប្តូរឌីជីថល និងបច្ចេកវិទ្យាថ្មីៗ”។

សង្កាត់តឿងម៉ៃបំផុស យុទ្ធនាការដើម្បីជួយជ្រោមជ្រេង "ចលនារយៈពេល ៤៥ ថ្ងៃ ទាំងយប់ ចេញដំណើរជួយសកម្មភាពផ្លាស់ប្តូរឌីជីថល" និងបានដាក់ពង្រាយមជ្ឈមណ្ឌល "អក្ខរកម្មឌីជីថល" ចល័តនៅទូទាំងមូលដ្ឋាន។ រូបថត៖ tuongmai.hanoi.gov.vn

ចលនា “អក្ខរកម្មឌីជីថលសម្រាប់ប្រជាជន” នៅក្នុងសង្កាត់តឿងម៉ៃ ជួយប្រជាជនទាក់ទងផ្ទាល់នឹងវេទិកាឌីជីថល និងកម្មវិធីបញ្ញាសិប្បនិម្មិត (AI) ជាមូលដ្ឋាន  ចូលរួមក្នុងការកសាងរដ្ឋាភិបាលឌីជីថល សង្គមឌីជីថល សេដ្ឋកិច្ចឌីជីថល និងពលរដ្ឋឌីជីថល។ សង្កាត់ណែនាំប្រជាជនអំពីការប្រើប្រាស់សេវាសាធារណៈរហូតដល់ក្រុមប្រជាជននីមួយៗ និងតាមរយៈអង្គការមហាជន ដូចជា សម្ព័ន្ធយុវជន និងក្រុមផ្លាស់ប្តូរឌីជីថលសហគមន៍។ ជាមួយគ្នានេះ សង្កាត់បានរៀបចំក្បួនឃោសនា ផ្សព្វផ្សាយនៅគ្រប់ជ្រុងផ្លូវ។ យោងតាមលោកមិត្ត Nguyen Ngoc Quynh លេខាសម្ព័ន្ធយុវជននៃតំបន់លំនៅដ្ឋានលេខ ១១ថា តាំងពីដើមដំបូងមកចលនា “អក្ខរកម្មឌីជីថលសម្រាប់ប្រជាជន” បានទាក់ទាញសមាជិកសម្ព័ន្ធយុវជនមួយចំនួនធំឱ្យចូលរួមផងដែរ”។

ចលនា “អក្ខរកម្មឌីជីថលសម្រាប់ប្រជាជន” មានសារៈសំខាន់ជាក់ស្តែង ដោយជួយប្រជាជនចូលប្រើបច្ចេកវិទ្យាបានយ៉ាងងាយស្រួល។ តាមរយៈនេះ ជួយប្រជាជនក្លាយជាពលរដ្ឋឌីជីថល។ បន្ទាប់ពីទទួលបានការបណ្តុះបណ្តាល សមាជិកសម្ព័ន្ធយុវជនណែនាំ និងជួយប្រជាជនលើការងារមួយចំនួនដូចជា៖  ផ្ទៀងផ្ទាត់ដីធ្លី ការដំឡើង VNeID, iHanoi និងសេវាសាធារណៈសម្រាប់ប្រជាជន។ សម្ព័ន្ធយុវជនទៅផ្ទះរបស់ប្រជាជនដោយផ្ទាល់ដើម្បីដំឡើងកម្មវិធីសម្រាប់ពួកគេ។ សមាជិកសម្ព័ន្ធផយុវជនមានភាពសកម្មខ្លាំងណាស់”។

រួមជាមួយគ្នានេះ សង្កាត់ តឿត មៃ បានអភិវឌ្ឍន៍ជំនាញសិក្សាតាមអ៊ីនធឺណិតបើកចំហនៅលើវេទិកា binhdanhocvuso.gov.vn ដោយប្រែក្លាយគ្រួសារនីមួយៗទៅជាអាសយដ្ឋានសិក្សាឌីជីថល សាខាសហជីពនីមួយៗទៅជា “ថ្នាក់រៀនឌីជីថល” ដែលតភ្ជាប់សហគមន៍។ លើកកម្ពស់សមត្ថភាពឌីជីថលសម្រាប់សាលារៀន និងសិស្សានុសិស្ស បើកការប្រកួត “អនុវត្តបច្ចេកវិទ្យា AI នៅក្នុងសាលារៀន ជាមួយនឹង

ប្រជាជនមួយចំនួនធំនៅសង្កាត់តឿងម៉ៃបានចូលរួមក្នុងពិធីបំផុសចលនានេះ។ រូបថត៖ tuongmai.hanoi.gov.vn

ផលិតផលដូចជា៖ ជំនួយការនិម្មិត កម្មវិធីទន់ ផែនការមេរៀនឌីជីថល ប្រព័ន្ធចូលរៀនឆ្លាតវៃ ហ្គេមសិក្សាតាមអ៊ីនធឺណិត...។ សង្កាត់តឿងម៉ៃ រៀបចំទីតាំង “អក្ខរកម្មឌីជីថលសម្រាប់ប្រជាជន” ចល័តចំនួន ២៤កន្លែង    នៅតាមទីតាំងរដ្ឋបាលសាធារណៈតឿង ម៉ៃ និងផ្ទះប្រជុំនៅក្នុងសង្កាត់។ ទីតាំងចល័តនីមួយៗមានសមាជិកពី ៧ ទៅ ១០ នាក់។ តាមរយៈគំនិតផ្តួចផ្តើមនេះ ប្រជាជននឹងទទួលបានណែនាំអំពីរបៀបដំឡើង និងប្រើប្រាស់កម្មវិធីសេវាសាធារណៈតាមអ៊ីនធឺណិតដូចជា VNeID, iHanoi, EtaxMobile, វិបផតថលសេវាសាធារណៈជាតិ និងវិបផតថលសេវាសាធារណៈរបស់ក្រសួងនគរបាល។  ទន្ទឹមជាមួយគ្នានោះ ត្រូវបានណែនាំអំពីរបៀបចុះឈ្មោះគណនី ដាក់ពាក្យតាមអ៊ីនធឺណិត និងពិនិត្យមើលលទ្ធផលនៃនីតិវិធីរដ្ឋបាលលើកម្មវិធីសេវាសាធារណៈតាមអ៊ីនធឺណិតទាំងនេះ។ លោក Nguyen Duc Anh សមាជិកម្នាក់នៅទីតាំងសេវាកម្មចល័ត "អក្ខរកម្មឌីជីថលសម្រាប់ប្រជាជន" នៅមជ្ឈមណ្ឌលរដ្ឋបាលសាធារណៈ តឿង ម៉ៃ បាននិយាយថា៖ “បច្ចុប្បន្ននេះ ប្រជាជនច្រើននៅតែមិនស្គាល់ពីរបៀបប្រើប្រាស់បច្ចេកវិទ្យាដើម្បីដោះស្រាយការងារ។ យើងជួយប្រជាជនដាក់ពាក្យតាមអ៊ីនធឺណិត និងណែនាំពួកគេអំពីការប្រើប្រាស់ iHanoi, VNeID និង EtaxMobile។ ចលនាអក្ខរកម្មឌីជីថលជួយប្រជាជនឱ្យជៀសវាងការទៅគណៈកម្មាធិការប្រជាជនដើម្បីបំពេញនីតិវិធី។ ពោលគឺ ពួកគេអាចបំពេញបែបបទតាមផ្ទះ តាមអ៊ីនធឺណិតដោយប្រើកម្មវិធី iHanoi”។

យុវជនសង្កាត់តឿងម៉ៃ ក៏បានចូលរួមយ៉ាងសកម្ម ក្នុងចលនា“អក្ខរកម្មឌីជីថលសម្រាប់ប្រជាជន”។ រូបថត៖ tuongmai.hanoi.gov.vn

សមាជិកក្រុមផ្លាស់ប្តូរឌីជីថលសហគមន៍ ឬសមាជិកសហជីពយុវជននៃសង្កាត់តឿងម៉ៃ ក៏ទៅផ្ទះរបស់ប្រជាជនដោយផ្ទាល់ ដើម្បីជួយគ្រួសារដែលមិនទាន់ទទួលបានបច្ចេកវិទ្យា ដូចជាមនុស្សចាស់ និងជនពិការ...។  ដោយសារសកម្មភាពទាំងនេះ ប្រជាជនជាច្រើនដូចជាអ្នកស្រី Bui Thi Thu Huong នៅក្នុងសង្កាត់ តឿង ម៉ៃ ដែលធ្លាប់ស្ទាក់ស្ទើរ ឥឡូវនេះស្គាល់ពីរបៀបប្រើប្រាស់កម្មវិធីនៅលើទូរស័ព្ទ ដើម្បីស្វែងរកព័ត៌មាន និងចូលប្រើសេវាសាធារណៈ។

“ខ្ញុំកម្រណាស់ និងមិនសូវមានលទ្ធភាពចូលប្រើវាទេ។ ពេលមកទីនេះ ទទួលបានការណែនាំពីក្រុមកយុវជន ខ្ញុំអាចស្គាល់ពីរបៀបប្រើប្រាស់ឌីជីថលច្រើនជាង។ ខ្ញុំគិតថា ចលនានេះល្អណាស់ អ្នកស្ម័គ្រចិត្តមានភាពរីករាយយ៉ាងខ្លាំងក្នុងការណែនាំដល់ពួកយើង”។

សង្កាត់តឿង ម៉ៃ រក្សាវគ្គឃោសនាចល័ត និងចាក់ផ្សាយបីដងក្នុងមួយសប្តាហ៍ អំពីការផ្លាស់ប្តូរឌីជីថល; រក្សាប្រព័ន្ធព័ត៌មានមូលដ្ឋានលើក្រុម Zalo ក្នុងសង្កាត់ ក្រុមផ្លាស់ប្តូរឌីជីថលសហគមន៍ បង្ហោះអត្ថបទព័ត៌មាននៅលើទំព័រព័ត៌មានអេឡិចត្រូនិករបស់សង្កាត់...។ អ្នកស្រី Dam Thi Ngoc Minh ជាអ្នករស់នៅក្នុងសង្កាត់តឿង ម៉ៃបានសំណេះសំណាលថា៖ “មានចលនា “អក្ខរកម្មឌីជីថលសម្រាប់ប្រជាជន” បានជួយឲ្យមនុស្សចាស់ដូចជាខ្ញុំ និងមិត្តភក្តិរបស់ខ្ញុំរៀនសូត្រ ដូច្នេះយើងពេញចិត្តខ្លាំងណាស់ពេលមានក្រុមជួយណែនាំនេះ”។

តាមរយៈចលនា “អក្ខរកម្មឌីជីថលសម្រាប់ប្រជាជន” ប្រជាជននៅក្នុងសង្កាត់តឿងម៉ៃបានបង្កើនអក្ខរកម្មឌីជីថល ដើម្បីចូលប្រើ និងប្រើប្រាស់បច្ចេកវិទ្យាក្នុងជីវភាព និងការងាររបស់ពួកគេ ដោយហេតុនេះសម្របខ្លួនទៅនឹងការផ្លាស់ប្តូរឌីជីថល។ តាមនោះ រួមចំណែកដល់ការលើកកម្ពស់ការប្រើប្រាស់សេវាសាធារណៈតាមអ៊ីនធឺណិត និងបង្កើតសហគមន៍សិក្សាឌីជីថល៕