អញ្ជើញចូលរួមមតិលើគម្រោងច្បាប់ការងារ (ធ្វើវិសោធនកម្ម) ប្រតិភូបានឯកភាពខ្ពស់លើការធ្វើវិសោធនកម្មច្បាប់នេះ ដើម្បីឆ្លើយតបនឹងតម្រូវការជាក់ស្តែង ក្នុងការលើកកម្ពស់ការអភិវឌ្ឍសេដ្ឋកិច្ចសង្គមក្នុងដំណាក់កាលខាងមុខ។ ក្នុងនោះ សេចក្តីព្រាងច្បាប់បំពេញបន្ថែមបទប្បញ្ញត្តិស្តីពីការអភិវឌ្ឍជំនាញវិជ្ជាជីវៈ ក្នុងទិសដៅកំណត់ក្របខណ្ឌជំនាញវិជ្ជាជីវៈកម្រិតថ្នាក់ជាតិ ឧបត្ថម្ភសកម្មភាពបណ្តុះបណ្តាល និងលើកកំពស់កម្រិតអភិវឌ្ឍន៍ជំនាញវិជ្ជាជីវៈសម្រាប់កម្មករនិយោជិតក្នុងសម័យសមាហរណកម្មរបស់ប្រទេសជាតិ។

សម័យប្រជុំលើកទី៨ នៃរដ្ឋសភានីតិកាលទី១៥។ រូបថត៖ quochoi.vn

ដោយគូសបញ្ជាក់ពីគុណភាពការងារដែលមានផលប៉ះពាល់យ៉ាងខ្លាំងដល់ការអភិវឌ្ឍសេដ្ឋកិច្ចសង្គម លោកស្រី Tran Thi Thanh Lam ប្រតិភូរដ្ឋសភានៃខេត្ត Ben Tre បានលើកមតិថា៖ “អង្គការអន្តរជាតិជាច្រើនជឿថា ជំនាញវិជ្ជាជីវៈនឹងក្លាយជារូបិយប័ណ្ណអន្តរជាតិថ្មីនៅក្នុងទីផ្សារការងារនាពេលអនាគត ដែលនាំមកនូវការប្រកួតប្រជែងកាន់តែប្រសើរឡើង។ នៅក្នុងបរិបទបច្ចុប្បន្ន កម្លាំងពលកម្មមានជំនាញនឹងមានឥទ្ធិពលយ៉ាងច្បាស់លាស់លើផលិតភាពការងារ។ ប្រសិនបើជាឯកតារូបិយប័ណ្ណ គឺមានតម្លៃមុខដែរ។ ដូច្នេះខ្ញុំគិតថា ចាំបាច់ត្រូវកសាងស្តង់ដារជំនាញការងារតាមកម្រិតវិជ្ញាជីវៈ”។

មុននោះ រដ្ឋសភាបានបោះឆ្នោតអនុម័តច្បាប់ការពារដែនអាកាសរបស់ប្រជាជន ច្បាប់សហជីព (ធ្វើវិសោធនកម្ម) និងបានបោះឆ្នោតអនុម័តសេចក្តីសម្រេចចិត្តរបស់រដ្ឋសភាស្តីពីគោលនយោបាយវិនិយោគក្នុងកម្មវិធីគោលដៅជាតិស្តីពីការអភិវឌ្ឍវប្បធម៌ដំណាក់កាល ២០២៥ - ២០៣៥៕