លោកឧបនាយករដ្ឋមន្ត្រី Nguyen Hoa Binh ប្រគល់អំណោយបុណ្យតេតេ ដល់យុទ្ធជនពិការ Nguyen Xuan Ngoc។ រូបថត៖ VOV

ឧបនាយករដ្ឋមន្ត្រីប្រចាំការលោក Nguyen Hoa Binh បានអញ្ជើញទៅសួរសុខទុក្ខ និងជូនអំណោយដល់គ្រួសារយុទ្ធជនពិការ Hoang Kim Duc និង Nguyen Xuan Ngoc។ ក្រុមការងារក៏បានទៅសាកសួរសុខទុកវីរអ្នកម្ដាយវៀតណាម Le Thi Tri។ ក្នុងឱកាសនេះ ឧបនាយករដ្ឋមន្ត្រីប្រចាំការ លោក Nguyen Hoa Binh ក៏បានអញ្ជើញទៅសួរសុខទុក្ខ លើកទឹកចិត្តនិងជូនអំណោយបុណ្យតេតដល់គ្រួសារក្រីក្រ គ្រួសារលើបន្ទត់ក្រីក្រ កម្មករ កម្មការិនី ដែលមានស្ថានភាពលំបាក គ្រួសារគោលនយោបាយនិងវីរអ្នកម្តាយវៀតណាមនៅមូលដ្ឋានផងដែរ។

អនុប្រធានរដ្ឋសភា លោក Nguyen Duc Hai ជូនអំណោយដល់គ្រួសារក្រីក្រ និងគ្រួសារគោលនយោបាយ។ រូបថត៖ VOV

នាថ្ងៃទី ១៩ មករា ក្នុងឱកាសបុណ្យចូលឆ្នាំថ្មីប្រពៃណីជាតិឆ្នាំ ២០២៥ អនុប្រធានរដ្ឋសភាលោក Nguyen Duc Hai និងក្រុមការងារបានអញ្ជើញទៅសួរសុខទុក្ខ និងជូនអំណោយដល់គ្រួសារគោលនយោបាយនិងកម្មករដែលមានស្ថានភាពលំបាកនៅខេត្ត Ben Tre។ លោកអនុប្រធានរដ្ឋសភា ប្រគល់អំណោយចំនួន ៤៥០ កញ្ចប់ជូនជនក្រីក្រ កម្មករ កម្មការិនី ដែលជួបការលំបាកនៅស្រុក Chau Thanh; ឧបត្ថម្ភថវិកា ២០០លានដុង ដល់មូលនិធិ "ដើម្បីជនក្រីក្រ" របស់ខេត្ត ពីមូលនិធិរៃអង្គាសថវិការបស់សវនកម្មរដ្ឋ។ នាព្រឹកថ្ងៃដដែល ក្រុមការងារបានអញ្ជើញទៅសាកសួរសុខទុក្ខ និងជូនពរឆ្នាំថ្មីដល់វីរអ្នកម្តាយវៀតណាម Le Thi Hai និងយុទ្ធជនពិការ Tran Thi Nga នៅឃុំ Chau Hoa ស្រុក Giong Trom ផងដែរ៕