នាយករដ្ឋមន្ត្រីវៀតណាមលោក ហ្វាម មិញជីញ បានទទួលជួបលោក Borje Ekholm ប្រធាន និងជាអគ្គនាយកសម្ព័ន្ធក្រុមហ៊ុន Ericsson។ (រូបថត៖ VNA)

នៅទីនេះ លោកនាយករដ្ឋមន្ត្រី ហ្វាម មិញជីញ បានស្នើឲ្យសម្ព័ន្ធក្រុមហ៊ុន Ericsson ជំរុញកិច្ចសហប្រតិបត្តិការជាមួយវៀតណាម កសាងមជ្ឈ មណ្ឌលស្រាវជ្រាវ និងអភិវឌ្ឍន៍នៅវៀតណាម; ជំរុញការផ្ទេរបច្ចេកវិទ្យា; ការអភិវឌ្ឍ ហេដ្ឋារចនាសម្ព័ន្ធឌីជីថល ជំរុញបញ្ញាសិប្បនិម្មិត កុំព្យូទ័រលើពពក IoT ការសាងសង់ មជ្ឈមណ្ឌលទិន្នន័យ; សហការនិងជួយឧបត្ថម្ភការអភិវឌ្ឍបច្ចេកវិទ្យា 5G និង 6G អភិវឌ្ឍន៍អ៊ិនធឺណិតផ្កាយរណប ជំនួសឲ្យអ៊ីនធឺណិតខ្សែកាបអុបទិក; បណ្តុះបណ្តាល ធនធានមនុស្ស; ចែករំលែកបទពិសោធន៍ ពិគ្រោះយោបល់គោលនយោបាយ; ជួយ គាំទ្រសម្ព័ន្ធក្រុមហ៊ុន និងដៃគូវៀតណាម ដើម្បីចូលរួមក្នុងខ្សែសង្វាក់ផ្គត់ផ្គង់សកល។ លោកនាយករដ្ឋមន្ត្រីសង្ឃឹមថា សម្ព័ន្ធក្រុមហ៊ុនអាចនាំឲ្យវៀតណាមក្លាយជា មូលដ្ឋាននៃកិច្ចសហប្រតិបត្តិការ និងការវិនិយោគ និងជាកន្លែងពិសោធន៍គំនិតថ្មីៗ តាមនោះសហប្រតិបត្តិការ និងប្រកួតប្រជែងប្រកបដោយភាពស្អាតស្អំជាមួយសម្ព័ន្ធ ក្រុមហ៊ុនធំៗផ្សេងទៀត។

រីឯខ្លួនវិញ ប្រធានសម្ព័ន្ធក្រុមហ៊ុន Ericsson បានអះអាងថា ទីផ្សារវៀតណាម មានសារៈសំខាន់ខ្លាំងណាស់សម្រាប់ Ericsson; អះអាងបន្តកិច្ចសហប្រតិបត្តិការ ជាមួយវៀតណាម ត្រៀមខ្លួនជាស្រេចសហប្រតិបត្តិការបង្កើតមជ្ឈមណ្ឌលស្រាវជ្រាវ និងអភិវឌ្ឍន៍នៅវៀតណាម។ ប្រធានសម្ព័ន្ធក្រុមហ៊ុន Ericsson ក៏បានសង្កត់ធ្ងន់ថា សម្ព័ន្ធក្រុមហ៊ុនចង់ជ្រើសរើសវៀតណាម ដោយសារបានឃើញការប្តេជ្ញាចិត្តរបស់រដ្ឋា ភិបាលវៀតណាមចំពោះឌីជីថលភាវូបនីយកម្ម ហើយសហគ្រាសវៀតណាមមាន សេចក្តីប្រាថ្នា និងវិស្វករវៀតណាមមានសក្តានុពលខ្លាំង។ លោក Borje Ekholm បាន និយាយថា លោកនឹងពិភាក្សាយ៉ាងជាក់លាក់ជាមួយដៃគូអំពីឱកាសសហប្រតិបត្តិការ នាពេលខាងមុខ៕