ដោយឡែកនៅតំបន់ព្រៃសហគមន៍នៃភូមិ Dong Dinh ឃុំ Phong Du ស្រុក Tien Yen ដើមឈើជាង ២០០០ ដើមត្រូវបានដាំលើផ្ទៃដីជិត ២ ហិកតា។ លោក Vu Dai Thang លេខាគណៈកម្មាធិការបក្សខេត្ត Quang Ninh បានឲ្យដឹងថា ឆ្នាំនេះ ខេត្ត Quang Ninh មានគោលបំណងដាំដើមឈើលើផ្ទៃដីព្រៃជាង ៣១.០០០ ហិកតា ពោលគឺកើនឡើង ២,៤ ដងបើធៀបនឹងឆ្នាំមុន។

“ខេត្ត Quang Ninh បានចេញនូវគោលនយោបាយជាច្រើនដើម្បីគាំទ្រដោយផ្ទាល់ដល់ប្រជាជនក្នុងវិស័យរុក្ខាកម្ម ជាពិសេសយើងខ្ញុំបានស្រាវជ្រាវនិងស្វែងរកពូជដើមឈើព្រៃថ្មី និងដើមឈើមានអាយុវែងដើម្បីបម្រើប្រជាជន តាមរយៈបុណ្យតេតដាំដើមឈើឆ្នាំនេះ យើងសង្ឃឹមថានឹងអាចយកឈ្នះលើផលវិបាកនៃព្យុះទីហ្វុង Yagi បានយ៉ាងឆាប់រហ័ស។ ហើយសង្ឃឹមថា ដើមឈើដែលបានដាំដុះក្នុងនិទាឃរដូវនេះ នឹងរីកដុះដាលយ៉ាងល្អ ដើម្បីបង្កើតពណ៌បៃតងថ្មីសម្រាប់ខេត្ត Quang Ninh”។

លោក Vu Dai Thang លេខាគណៈកម្មាធិការបក្សខេត្ត Quang Ninh បានសំណេះសំណាល និងលើកទឹកចិត្តប្រជាជនស្រុក Tien Yen។ រូបថត៖ baoquangninh.vn

នាព្រឹកថ្ងៃទី៣ កុម្ភៈ នៅទីក្រុង Son La បានប្រព្រឹត្តិទៅពិធីបំផុសបុណ្យតេតដាំដើមឈើ និទាឃរដូវ ២០២៥។ លោក Ha Nhu Hue ប្រធានមន្ទីរកសិកម្ម និងអភិវឌ្ឍន៍ជនបទខេត្ត Son La បានឲ្យដឹងថា ខេត្ត Son La ខិតខំសម្រេចបាននិងលើសពីគោលដៅដាំកូនឈើចំនួន ១៤លានដើម ក្នុងដំណាក់កាលឆ្នាំ ២០២១ - ២០២៥។

នាថ្ងៃដដែល នៅប៉ុស្តិ៍ការពារព្រំដែន Sin Suoi Ho ឃុំ Sin Suoi Ho ស្រុក Phong Tho ខេត្ត Lai Chau បានប្រព្រឹត្តទៅពិធីបំផុសបុណ្យតេតដាំដើមឈើនិទាឃរដូវឆ្នាំ ២០២៥ផងដែរ៕