អាមេរិកព្រមានដាក់ពន្ធ ១៥០% លើទំនិញនាំចូលពី BRICS
(VOVWORLD) - ថ្លែងមតិនៅឯសមាគមអភិបាលរដ្ឋនៃគណៈបក្សសាធារណៈរដ្ឋក្នុងទីក្រុងវ៉ាស៊ីនតោនកាលពីថ្ងៃទី ២០ ខែកុម្ភៈ ប្រធានាធិបតីអាមេរិក លោក Donald Trump បានព្រមានយ៉ាងខ្លាំងថា នឹងដាក់ពន្ធរហូតដល់ ១៥០% លើទំនិញនាំចូលពីក្រុមសេដ្ឋកិច្ចទើបលេចចេញជួរមុខនៅលើពិភពលោក(BRICS)ប្រសិនបើក្រុមនេះធ្វើការបោះជំហានណាមួយសំដៅបង្កើតរូបិយប័ណ្ណជំនួសប្រាក់ដុល្លារ។
លោកប្រធានាធិបតី Trump បានរិះគន់ចេតនារបស់បណ្តាប្រទេស BRICS ក្នុងការបង្កើតរូបិយប័ណ្ណដាច់ដោយឡែក ដើម្បីជះឥទ្ធិពលដល់ប្រាក់ USD ។ ក្នុងនោះ លោកបានកត់សម្គាល់ពីលទ្ធភាពដែល BRICS អាចផ្លាស់ប្តូរទៅប្រើប្រាស់ប្រាក់យន់របស់ចិន។ លោក Trump បានរំលឹកឡើងវិញថា ប្រការដំបូងដែលលោកបានលើកឡើងបន្ទាប់ពីឡើងកាន់តំណែងជាប្រធានាធិបតីអាមេរិកកាលពីថ្ងៃទី ២០ ខែមករា គឺការដាក់ពន្ធ ១៥០% លើប្រទេស BRICS ណាមួយដែលលើកឡើងពីការលុបបំបាត់ប្រាក់ USD ។
 ប្រធានាធិបតីសហរដ្ឋអាមេរិក លោក Donald Trump ថ្លែងក្នុងសន្និសីទកាសែតក្នុងទីក្រុង Washington, DC។ រូបថត៖ THX/TTXVN |
បច្ចុប្បន្ន ក្រុមប្រទេស BRICS មិនទាន់បានឆ្លើយតបទៅនឹងសេចក្តីប្រកាសថ្មីបំផុតរបស់លោកប្រធានាធិបតី Trump នៅឡើយទេ។ មុននោះ លោក Trump បានប្រកាសថា នឹងដាក់ពន្ធ ១០០% លើទំនិញនាំចូលពីក្រុមប្រទេស BRICS ប្រសិនបើ BRICS បង្កើតរូបិយប័ណ្ណផ្ទាល់ខ្លួន ឬបោះបង់ចោលប្រាក់ USD ។ លោកក៏បានព្រមានពីការ កាត់ផ្តាច់ទំនាក់ទំនងជាមួយប្រទេសណាដែលព្យាយាមជំនួសប្រាក់ USD ក្នុងពាណិជ្ជកម្មអន្តរជាតិ៕