ກອງປະຊຸມຄະນະຊີ້ນຳເວທີປາໄສຮ່ວມມືເສດຖະກິດ ເຂດທົ່ງພຽງແມ່ນ້ຳຂອງ
ແຜນທີ່ເຂດທົ່ງພຽງແມ່ນ້ຳຂອງ
(vovworld) – ເວທີປາໄສຮ່ວມມືເສດຖະກິດເຂດທ່ົງພຽງແມ່ນ້ຳຂອງທາງພາກໃຕ້ ຫວຽດນາມ ປີ 2013 ດ້ວຍຫົວຂໍ້ວ່າ “ເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ ມຸ່ງໄປເຖິງພື້ນຖານເສດຖະກິດຂຽວ” ຄາດວ່າຈະຖືກດຳເນີນແຕ່ວັນທີ 21 – 25/11/2013 ເຊິ່ງລວມມີບັນດາການເຄື່ອນໄຫວຄື: ກອງປະຊຸມສຳມະນາ, ງານຕະຫຼາດນັດ, ງານວາງສະແດງເຊິ່ງ ຄາດວ່າຈະດຶງດູດການເຂົ້າຮ່ວມຂອງຮ້ານວາງສະແດງສິນຄ້າກ່ວາ 650 ຮ້ານ ຂອງບັນດາວິສາຫະກິດທັງຢູ່ພາຍໃນ ແລະ ຕ່າງປະເທດ. ໃນຂອບເຂດເວທີປາໄສຍັງຈັດໃຫ້ມີກອງປະຊຸມສຳມະນາພັດທະນາ ແລະ ທະວີຄຸນຂັ້ນຕອນປະຕິບັດການຜະລິດກະສິກຳບັນລຸມາດຖານ VietGAP, GlobalGAP, ກອງປະຊຸມສົ່ງເສີມການລົງທຶນຮ່ວມສຳພັນພັດທະນາເຂດທ່ົງພຽງແມ່ນ້ຳຂອງທາງພາກໃຕ້ ຫວຽດນາມ. ທ່ານ ຫງວຽນຟອງກວາງ, ຮອງຫົວໜ້າຄະນະປະຈຳຄະນະຊີ້ນຳເຂດຕາເວັນຕົກພາກໃຕ້, ຫົວໜ້າຄະນະຈັດຕັ້ງເວທີປາໄສ, ໃຫ້ຮູ້ວ່າ:
“ຂ້າພະເຈົ້າເຫັນວ່າ,ເວທີປາໄສຮ່ວມມືເສດຖະກິດເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ ຄັ້ງນີ້ມີບາງຈຸດແມ່ນມຸ່ງໄປເຖິງພື້ນຖານເສດຖະກິດຂຽວ, ເຊິ່ງຫົວເລື່ອງມຸ່ງໄປເຖິງການແກ້ໄຂບັນຫາຮັບປະກັນຊີວິດສັງຄົມ, ຈຸດພົ້ນເດັ່ນທີ 2 ແມ່ນເວທີປາໄສວິສາຫະກິດ ແລະ ສົ່ງເສີມການລົງທຶນກໍ່ແມ່ນເງື່ອນໄຂແກ້ໄຂຄວາມຫຍຸ້ງຍາກໃຫ້ບັນດາວິສາຫະກິດໃນປະຈຸບັນ, ບັນຫາທີ 3 ແມ່ນຮຽກຮ້ອງການລົງທຶນ ແລະ ບັນດາໂຄງການທີ່ກ່ຽວຂ້ອງເຖິງບັນດາບັນຫາປ່ຽນແປງຂອງດິນຟ້າອາກາດຂອງເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ ນັ້ນແມ່ນບັນດາບັນຫາເຊິ່ງເວທີປາໄສຮ່ວມມືເສດຖະກິດເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ ຄັ້ງນີ້ຕ້ອງປະຕິບັດຢ່າງແທດຈິງ ແລະ ມີປະສິດທິຜົນສູງ”