ກອງປະຊຸມຍ້ອງຍໍຊົມເຊີຍ ບັນດາຜູ້ທີ່ມີຄຸນງາມຄວາມດີ ໃນກຳລັງຕຳຫຼວດປະຊາຊົນ
ທ່ານຮອງນາຍົດລັດຖະມົນຕີຫວຽດນາມ Nguyen Thien Nhan
ເຂົ້າຮ່ວມກອງປະຊຸມ (ພາບ:VGP)
|
Vovworld- ເນື່ອງໃນໂອກາດສະເຫຼີມສະຫຼອງ 65 ປີແຫ່ງວັນທະຫານເສຍ ອົງຄະ ແລະ ນັກຮົບເສຍສະຫຼະ ຊີວິດເພື່ອ ຊາດ (27/7). ຕອນເຊົ້າວັນທີ 21/7, ຢູ່ຮ່າໂນ້ຍ, ກະຊວງຕຳຫຼວດຫວຽດນາມໄດ້ຈັດ ກອງປະຊຸມຍ້ອງຍໍຊົມເຊີຍບັນດາຜູ້ທີ່ມີຄຸນງາມຄວາມດີຕໍ່ການປະຕິວັດທີ່ດີເດັ່ນໃນກຳລັງຕຳຫຼວດປະຊາຊົນ. ກ່າວຄຳເຫັນທີ່ກອງປະຊຸມ, ທ່ານຮອງນາຍົດລັດຖະມົນຕີຫວຽດນາມ Nguyen Thien Nhan ໄດ້ຍ້ອງຍໍຊົມເຊີຍຄວາມມານະພະຍາຍາມຜ່ານຜ່າຄວາມຫຍຸ້ງຍາກ ແລະ ການປະກອບສ່ວນທີ່ມີຄວາມໝາຍຂອງບັນດາທະຫານເສຍອົງຄະ, ຍາດຕິພີນ້ອງຂອງນັກຮົບເສຍສະຫຼະຊີວິດເພື່ອຊາດທີ່ດີເດັ່ນທີ່ພວມເຮັດວຽກໃນກຳລັງຕຳຫຼວດປະຊາຊົນ. ທ່ານກ່າວວ່າ :
“ ໃນໄລຍະທີ່ຈະມາເຖິງ, ຂ້າພະເຈົ້າສະເໜີກຳລັງຕຳຫຼວດປະຊາຊົນຈົ່ງສືບຕໍ່ຖືວຽກງານເບິ່ງແຍງດູແລທະຫານເສຍອົງຄະ, ຄອບຄົວນັກຮົບເສຍສະຫຼະຊີວິດ ເພື່ອຊາດ, ຜູ້ທີ່ມີຄຸນງາມຄວາມດີຕໍ່ການປະຕິວັດ ແມ່ນໜ້າທີ່ເປັນປະຈຳຂອງຄະນະພັກ, ຫົວໜ້າຂອງແຕ່ລະກົມກອງ ແລະ ພະນັກງານນັກຮົບຕຳຫຼວດແຕ່ລະຄົນ, ເພີ່ມທະວີການໂຄສະນາ, ເຜີຍແຜ່ແຜນນະໂຍບາຍ, ນະໂຍບາຍ, ສຶກສາອົບຮົມມູນເຊື້ອ “ ກິນເຂົ້າຄິດຮອດຄຸນນາ ກິນປາຄິດຮອດຄຸນນ້ຳ ” ໃຫ້ແກ່ພະນັກງານນັກຮົບໃນທົ່ວກຳລັງຕຳຫຼວດ, ເຊີດຊູຈິດໃຈຍອມເສຍສະຫຼະຊີວິດເພື່ອພາລະກິດປົກປັກຮັກສາປະເທດຊາດ ເພື່ອຄວາມເປັນລະບຽບຮຽບຮ້ອຍ ຄວາມປອດໄພທາງສັງຄົມ, ເພື່ອຄວາມຜາສຸກຂອງປະຊາຊົນ ” .