ການປະທະກັນ ລະຫວ່າງ ຮາມາດສ - ອິດສະຣາແອັນ: ອິດສະຣາແອັນ ຍົກອອກຄຳກ່າວເຕືອນ ຍົກຍ້າຍຄັ້ງໃໝ່ຢູ່ທາງທິດໃຕ້ເຂດ ກາຊາ
(VOVWORLD) - ວັນທີ 17 ພະຈິກ, ອິດສະຣາແອັນ ໄດ້ຍົກອອກຄຳກ່າວເຕືອນໃໝ່, ໂດຍຮຽກຮ້ອງໃຫ້ຊາວ ປາແລັດສະຕິນຢູ່ນະຄອນ Khan Younis (ທາງທິດໃຕ້ເຂດ ກາຊາ) ຕ້ອງຍົກຍ້າຍໄປຍັງທາງທິດຕາເວັນຕົກ ແລະ ເຄື່ອນຍ້າຍໄປໃກ້ເຂດທີ່ມີການໜູນຊ່ວຍມະນຸດສະທຳ. ນີ້ແມ່ນສັນຍານຫຼ້າສຸດທີ່ສະແດງໃຫ້ເຫັນວ່າ ອິດສະຣາແອັນ ມີແຜນການບຸກໂຈມຕີ ຮາມາດສ ຢູ່ທາງທິດໃຕ້ເຂດ ກາຊາ ພາຍຫຼັງທີ່ມ້າງທຳລາຍຢູ່ທາງທິດເໜືອ.
 ປະຊາຊົນຂົນສົ່ງນ້ຳໃຊ້ຢູ່ |
Khan Younis, ເຂດ Gaza (ພາບ:THX/TTXVN) |
ໃນເຫດການໜຶ່ງທີ່ກ່ຽວຂ້ອງ, ທ່ານນາຍົກລັດຖະມົນຕີ ອິດສະຣາແອັນ Benjamin Netanyahu ໄດ້ຢັ້ງຢືນຄືນວ່າ ຄຳສັ່ງຢຸດຍິງຊົ່ວຄາວຢູ່ເຂດ ກາຊາ ຈະໄດ້ປະຕິບັດກໍຕໍ່ເມື່ອ “ພວກຂ້າພະເຈົ້າສາມາດນຳເອົາບັນດາຕົວປະກັນຂອງຕົນກັບເມືອ” ເທົ່ານັ້ນ. ເມື່ອຕອບສຳພາດຕໍ່ນັກຂ່າວສຳນັກຂ່າວສານ CBS (ອາເມລິກາ), ທ່ານນາຍົກລັດຖະມົນຕີ ອິດສະຣາແອັນ ໃຫ້ຮູ້ວ່າ ຈຸດປະສົງແມ່ນຮັບປະກັນໃຫ້ຕົວປະກັນ ປະມານ 240 ຄົນ ສາມາດອອກຈາກເຂດ ກາຊາ.
ໃນການຜັນແປຫຼ້າສຸດ, ເຊື້ອເພີງໜູນຊ່ວຍຖ້ຽວທຳອິດ ຈາກ ອີຢິບ ໄດ້ເຂົ້າເຂດ ກາຊາ ໃນຕອນຄ່ຳວັນທີ 17 ພະຈິກ, ພາຍຫຼັງທີ່ ອິດສະຣາແອັນ ຕົກລົງເຫັນດີຕໍ່ຄຳຮຽກຮ້ອງຂອງ ອາເມລິກາ ໂດຍອະນຸຍາດໃຫ້ສະໜອງເຊື້ອເພີງຢ່າງມີຂໍ້ຈຳກັດ ແນໃສ່ຢຸດຕິສະພາວະບໍ່ມີໄຟຟ້າ.