(vovworld)-ຕອນຄຳ່ວັນທີ 26/6 ຢູ່ ຮ່າໂນ້ຍ, ກະຊວງວັດທະນະທຳກິລາ ແລະ ທ່ອງທ່ຽວ ຫວຽດນາມ ໄດ້ໄຂວັນບຸນຄອບຄົວຫວຽດນາມ ປີ 2014. ວັນບຸນແມ່ນໂອກາດເພື່ອເຊີດຊູບັນດາຄຸນຄ່າວັດທະນະທຳມະນຸດຂອງຄອບຄົວຫວຽດນາມ ຢ່າງເລິກເຊິ່ງ, ຍູ້ແຮງການໂຄສະນາ, ຂົນຂວາຍປະຊາຊົນທຸກຊັ້ນວັນນະ ປະຕິບັດວິຖີດຳລົງຊີວິດຢ່າງສີວິໄລ, ການປະພຶດແບບວັດທະນະທຳໃນຄອບຄົວ ແລະ ວົງຄະນາຍາດ. ໃນວັນດຽວກັນ, ຢູ່ເມືອງ ຮ່ວາວາງ,ນະຄອນ ດາຫນັງ ກໍໄດ້ຈັດຕັ້ງເວທີປາໄສ“ຜູ້ເປັນແມ່,ຄອບຄົວ ແລະ ເສັ້ນທາງໄປເຖິງອະນາຄົດຂອງລູກ”. ເວທີປາໄສ ແມ່ນຫນຶ່ງໃນບັນດາການເຄື່ອນໄຫວທີ່ເປັນຈຸດສຸມ ເພື່ອຍູ້ແຮງວຽກງານໂຄສະນາໃນວົງຄະນາຍາດ ກ່ຽວກັບການປ້ອງກັນ, ຕ້ານອາດຊະຍາກຳ ແລະ ໄພສັງຄົມ ໃນຊາວຫນຸ່ມ.