ທ່ານນາຍົກລັດຖະມົນຕີຫງວຽນເຕິ່ນຢຸງເຂົ້າຮ່ວມພິທີຊາປະນະກິດສົບທ່ານອະດີດນາຍົກລັກຖະມົນຕີ ຫຼີກວນຢູ
ທ່ານນາຍົກລັດຖະມົນຕີຫງວຽນເຕິ່ນຢຸງເຂົ້າຮ່ວມ
ພິທີຊາປະນະກິດສົບທ່ານອະດີດນາຍົກລັກຖະມົນຕີ ຫຼີກວນຢູ
(ພາບ: baotintuc.vn)
(vovworld) - ໂດຍຮັບຄຳເຊີນຂອງລັດຖະບານສິງກະໂປ, ວັນທີ 29/3, ທ່ານນາຍົກລັດຖະມົນຕີ ຫງວຽນເຕິ່ນຢຸງ ໄດ້ໄປຮອດສິງກະໂປ, ເຂົ້າຮ່ວມພິທີເຄົາລົບ, ໄວ້ອາໄລ ແລະ ພິທີຊາປະນະກິດສົບ ທ່ານອະດີດນາຍົກລັກຖະມົນຕີ ຫຼີກວນຢູ. ທ່ານນາຍົກລັດຖະມົນຕີ ຫງວຽນເຕິ່ນຢຸງ ໄດ້ແບ່ງເບົາຄວາມໂສກເສົ້າຕໍ່ລັດຖະບານ, ປະຊາຊົນ ແລະ ຄອບຄົວທ່ານ ອະດີດນາຍົກລັກຖະມົນຕີ ຫຼີກວນຢູ. ພາຍຫຼັງພິທີຊາປະນະກິດສົບ, ທ່ານນາຍົກລັດຖະມົນຕີ ຫງວຽນເຕິ່ນຢຸງ ໄດ້ມີການພົບປະກັບປະທານາທິບໍດີ ສິງກະໂປ Tony Tan. ຕອນຄຳ່ວັນດຽວກັນ ທ່ານນາຍົກລັດຖະມົນຕີ ຫງວຽນເຕິ່ນຢຸງ ໄດ້ກັບເມືອຮອດຮ່າໂນ້ຍ. ບັນດາການນຳຂັ້ນສູງຫວຽດນາມ ກໍ່ໄດ້ມີການເຄື່ອນໄຫວແບ່ງປັນຄວາມເສົ້າສະຫຼົດໃຈຕໍ່ການນຳ ແລະ ປະຊາຊົນສິງກະໂປ ກໍ່ຄືຄອບຄົວທ່ານ ຫຼີກວນຢູ. ທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ຫງວຽນຟູ໋ຈ້ອງ, ທ່ານປະທານປະເທດ ເຈືອງເຕິ໋ນຊາງ, ທ່ານນາຍົກລັດຖະມົນຕີ ຫງວຽນເຕິ່ນຢຸງ, ທ່ານປະທານສະພາແຫ່ງຊາດ ຫງວຽນຊິງຮຸ່ງ ໄດ້ຝາກໂທລະເລກແບ່ງປັນຄວາມເສົ້າສະຫຼົດໃຈເຖິງການນຳສິງກະໂປ. ບັນດາອະດີດການນຳຫວຽດນາມ: ທ່ານອະດີດເລຂາທິການໃຫຍ່ ໂດເມື່ອຍ, ທ່ານອະດີດປະທານປະເທດ ເລດຶກແອງ ກໍ່ສົ່ງໂທລະເລກແບ່ງເບົາຄວາມເສົ້າສະຫຼົດໃຈເຖິງຄອບຄົວທ່ານ ຫຼີກວນຢູ.