ທ່ານນາຍົກລັດຖະມົນຕີ ຫງວຽນຊວັນຟຸກ ເຂົ້າຮ່ວມກອງປະຊຸມຂັ້ນສູງແມ່ນ້ຳຂອງ ແມ່ນ້ຳລ້ານຊ້າງ ຄັ້ງທີ 3 (ພາບ: TTXVN)

ທ່ານ ທອງລຸນ ສີສຸລິດ ນາຍົກລັດຖະມົນຕີລາວ, ທ່ານ ຫຼີເຄີຊຽງ ນາຍົກລັດຖະມົນຕີຈີນ ໄດ້ເປັນປະທານຮ່ວມຂອງກອງປະຊຸມຄັ້ງນີ້. ໂດຍມີການເຂົ້າຮ່ວມກອງປະຊຸມຂອງທ່ານ U Win Myint ປະທານາທິບໍດີ ມຽນມາ, ທ່ານ Hun Sen ນາຍົກລັດຖະມົນຕີ ກຳປູເຈຍ ແລະ ທ່ານ ປຣາຢຸດ ຈັນໂອຊາ ນາຍົກລັດຖະມົນຕີ ໄທ.

        ກ່າວຄຳເຫັນທີ່ກອງປະຊຸມ,ໂດຍໄດ້ກ່າວຄືນຫົວຂໍ້ຂອງກອງປະຊຸມແມ່ນ “ເພີ່ມທະວີການພົວພັນຄູ່ຮ່ວມມື ເພື່ອຄວາມສົມບູນພູນສຸກຮ່ວມກັນ”, ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ໄດ້ຖືວ່າ ກອງປະຊຸມນີ້ແມ່ນໂອກາດເພື່ອໃຫ້ບັນດາປະເທດຢັ້ງຢືນຄວາມຕັດສິນໃຈ ແລະ ມານະພະຍາຍາມພ້ອມກັນເປັນເຈົ້າການໃນການຮັບມື, ຮັກສາການຮ່ວມມືພັດທະນາວັດທະນາຖາວອນ, ປະກອບສ່ວນເຂົ້າໃນການປັບປຸງການພົວພັນອັນດີງາມລະຫວ່າງ ບັນດາປະເທດສະມາຊິກ, ເຮັດໃຫ້ການພົວພັນຄູ່ຮ່ວມມືຍຸດທະສາດລະຫວ່າງ ອາຊຽນ - ຈີນ ເລິກເຊິ່ງກ່ວາອີກ, ຊຸກຍູ້ການພັດທະນາ, ຮັດແຄບຊ່ອງຫວ່າງການພັດທະນາໃນພາກພື້ນ. ທ່ານນາຍົກລັດຖະມົນຕີ ຫງວຽນຊວັນຟຸກໃຫ້ຮູ້ວ່າ:

        “ທີໜຶ່ງແມ່ນຮ່ວມມືບົນພື້ນຖານຄວາມໄວ້ເນື້ອເຊື່ອໃຈ ແລະ ການພົວພັນແບບຈິງໃຈ, ສັດຊື່ ແລະ ມິດຕະພາບ. ທີ 2ແມ່ນຮັບປະກັນບັນດາຫຼັກການເຫັນດີເຫັນພ້ອມ, ຄວາມສະເໝີພາບ, ຄວາມສະໝັກໃຈ, ຕ່າງຝ່າຍຕ່າງມີຜົນປະໂຫຍດ ແລະ ເຄົາລົບກົດໝາຍສາກົນ. ທີ 3 ແມ່ນຖືມະນຸດເປັນໃຈກາງພັດທະນາແບບຍືນຍົງ ແມ່ນ ເນື້ອໃນລຸ້ລວງໃນທຸກໆການເຄື່ອນໄຫວ. ທີ 4 ແມ່ນ ເອົາໃຈໃສ່ເປັນພິເສດເຖິງການຊອກຫາວິທີການໃຫ້ແກ່ບັນດາສິ່ງທ້າທາຍລວມຂອງພາກພື້ນ, ຮັບປະກັນຜົນປະໂຫຍດອັນຊອບທຳຂອງບັນດາປະເທດສະມາຊິກ. ທີ 5 ແມ່ນເຄື່ອນໄຫວທີ່ມີຈຸດສຸມບົນພື້ນຖານເສີມຂະຫຍາຍທ່າແຮງຂອງບັນດາປະເທດສະມາຊິກ, ສົມທົບກັບອາຊຽນ ແລະ ບັນດາກົນໄກແມ່ນ້ຳຂອງຕ່າງໆຢ່າງກົມກຽວເພື່ອສ້າງຜົນກະທົບແຜ່ຂະຫຍາຍອອກ”