ຮອງນາຍົກລັດຖະມົນຕີ Nguyen Xuan Phuc ກ່າວຄວາມເຫັນຊີ້ນຳກອງປະຊຸມ
(ພາບ: google.com.vn)
(vovworld) - ຕອນເຊົ້າວັນທີ 30/4, ນະຄອນດ່ານັ້ງ ໄດ້ຈັດກອງປະຊຸມສະຫຼຸບ 1 ປີ ແຫ່ງການຜັນຂະຫຍາຍການເຄື່ອນໄຫວຮ່ວມສຳພັນເພື່ອພັດທະນາບັນດາແຂວງແຄມຝັ່ງທະເລພາກກາງ. ກ່າວຄວາມເຫັນຊີ້ນຳກອງປະຊຸມ, ທ່ານຮອງນາຍົກລັດຖະມົນຕີ Nguyen Xuan Phuc ໄດ້ສະເໜີໃຫ້ບັນດາແຂວງແຄມຝັ່ງທະເລພາກກາງ ຄວນມີຄວາມຂະຫຍັນຂັນເຂື່ອນໃນການຮ່ວມສຳພັນ, ພ້ອມທັງເປັນເຈົ້າການກວ່າອີກໃນການສະແຫວງຫາແຫຼ່ງສິນເຊື່ອລົງທຶນກໍ່ສ້າງໂຄງລ່າງພັດທະນາເສດຖະກິດສັງຄົມ
”ດ້ານໜຶ່ງພວກເຮົາຕ້ອງສຸມໃສ່ເຂົ້າໃນການພັດທະນາການທ່ອງທ່ຽວ, ຖືວ່ານີ້ແມ່ນປ່າຍແຫຼມ, ແມ່ນຈຸດພິເສດດ້ານເງື່ອນໄຂທຳມະຊາດ, ວັດທະນະທຳຂອງເຂດນີ້, ແຕ່ຕ້ອງຄິດໄລ່ເຖິງແຕ່ລະທ້ອງຖີ່ນ, ພິເສດແມ່ນບັນດາແຂວງນະຄອນໃຫຍ່. ທີສອງແມ່ນຕ້ອງຄິດໄລ່ເຖິງບັນດາແຫຼ່ງກຳລັງອື່ນໆ, ບັນດາໂຄງການພື້ນຖານໂຄງລ່າງ ໂດຍຜ່ານແຫຼ່ງທຶນ ODA, ຕ້ອງການອັນໃດຕ້ອງເຮັດອັນນັ້ນໃຫ້ສຳເລັດ ແລະ ມີປະສິດທິຜົນ”