(vovworld) – ວັນທີ 12/01, ດ້ວຍບັດເຫັນດີເກືອບທັງໝົດ (418/2), ສະພາຕ່ຳອາເມລິກາ ໄດ້ຮັບຮອງເອົາຮ່າງກົດໝາຍທີ່ມີຊື່ວ່າ “ກົດໝາຍວ່າດ້ວຍການເພີ່ມທະວີບັນດາຄຳສັ່ງລົງໂທດ” ເພື່ອແນໃສ່ເປີດກວ້າງບັນດາຄຳສັ່ງລົງໂທດດ້ານເສດຖະກິດສຳລັບ ສປປ.ເກົາຫຼີ ທີ່ກ່ຽວຂ້ອງເຖິງໂຄງການນິວເຄຼຍຂອງປະເທດນີ້. ການກະທຳດັ່ງກ່າວຖືກດຳເນີນພາຍຫຼັງທີ່ພຽງຢາງ ຖະແຫຼ່ງໄດ້ທົດລອງນິວເຄຼຍສຳເລັດພຽງ 2 – 3 ວັນ. ຮ່າງກົດໝາຍດັ່ງກ່າວຖືກຍົກອອກມາເປັນຄັ້ງທຳອິດໃນຕົ້ນປີ 2015, ແຕ່ບໍ່ໄດ້ປ່ອນບັດຮັບຮອງເອົາ ຈົນຮອດຂະນະທີ່ພຽງຢາງ ຖະແຫຼງໄດ້ທົດລອງນິວເຄຼຍ ລູກໜຶ່ງສຳເລັດໃນວັນທີ 06/1 ຜ່ານມາ. ຂໍ້ຕົກລົງຮັບຮອງເອົາຮ່າງກົດໝາຍດັ່ງກ່າວ ໄດ້ຮັບຄວາມເຫັນດີເຫັນພ້ອມຈາກບັນດາສະມາຊິກສະພາແຫ່ງຊາດທີ່ຂຶ້ນກັບພັກສາທາລະນະ ແລະ ພັກປະຊາທິປະໄຕ.