ໃນຖະແຫຼງການຮ່ວມເຊິ່ງລວມມີ 6 ຂໍ້, ການນຳ 2 ທ່ານໄດ້ຢືນຢັນຄືນໃໝ່ຄຳໝັ້ນສັນຍາຊຸກຍູ້ການພົວພັນພັນທະມິດ ອາເມລິກາ - ສ. ເກົາຫຼີ ແລະ ການປົກປ້ອງຄວາມໝັ້ນຄົງ ສ. ເກົາຫຼີ. 2 ຝ່າຍກໍ່ເຫັນດີເປັນເອກະສັນຮ່ວມມືເພື່ອມອບໂອນສິດບັນຊາໄລຍະສົງຄາມໃຫ້ແກ່ບັນດາກຳລັງຂອງ ສ ເກົາຫຼີ, ທີ່ 2 ຝ່າຍໄດ້ຕົກລົງນຳກັນກ່ອນນີ້ໜຶ່ງທົດສະວັດແຕ່ຖືກໂຈະໄວ້ພາຍໃຕ້ສະໄໝຂອງລັດຖະບານນິຍົມຮັກສາເດີມຢູ່ ເຊີອູນ. ການນຳ 2 ທ່ານກໍ່ໄດ້ຢືນຢັນຄືນໃໝ່ຄຳໝັ້ນສັນຍາຮ່ວມມືເພື່ອ “ປະຕິບັດສຳເລັດເລື່ອງປອດນິວເຄຼຍໃນແຫຼມ ເກົາຫຼີ ຢ່າງໝັ້ນຄົງ ແລະ ບໍ່ອາດຕ່າວປິນໄດ້ຜ່ານເສັ້ນທາງສັນຕິພາບ”. ທ່ານປະທານາທິບໍດີ Donald Trump ສະໜັບສະໜູນຂໍ້ລິເລີ່ມຂອງທ່ານປະທານາທິບໍດີ Moon Jae –in ກ່ຽວກັບເລື່ອງເຊື່ອມຕໍ່ການເຈລະຈາກັບ ສປປ ເກົາຫຼີ.