ທ່ານຮອງນາຍົກລັດຖະມົນຕີ ເຈືອງຮ່ວາບີງ ຕີລາຄາສູງບັນດາການເຄື່ອນໄຫວຕັ້ງໜ້າ, ຂະຫຍັນຂັນເຄື່ອນຂອງທ່ານນາງ Catherine Wong Siow Ping ນັບແຕ່ເມື່ອທ່ານນາງໄດ້ຮັບການແຕ່ງຕັ້ງເປັນເອກອັກຄະລັດຖະທູດວິສາມັນຜູ້ມີອຳນາດເຕັມ ສິງກະໂປ ປະຈຳ ຫວຽດນາມ ໃນເດືອນ ກັນຍາ ປີ 2016. ທ່ານຮອງນາຍົກລັດຖະມົນຕີ ຖືວ່າ ເລື່ອງຮັກສາບັນດາການຢ້ຽມຢາມ ແລະ ພົບປະຂັ້ນສູງເປັນປະຈຳ ໄດ້ສ້າງພື້ນຖານ, ກຳນົດທິດເພື່ອໃຫ້ການພົວພັນ 2 ປະເທດມີເນື້ອແທ້, ໄວ້ເນື້ອເຊື່ອໃຈ ແລະ ໃກ້ຊິດ, ເຂົ້າໃຈເຊິ່ງກັນ ແລະ ກັນ. ທ່ານຮອງນາຍົກລັດຖະມົນຕີ ເຈືອງຮ່ວາບີງ ກໍ່ໃຫ້ຮູ້ວ່າ ລັດຖະບານ ຫວຽດນາມ ຈະສ້າງທຸກເງື່ອນໄຂ ເພື່ອໃຫ້ທ່ານນາງເອກອັກຄະລັດຖະທູດສຳເລັດໜ້າທີ່ຢູ່ ຫວຽດນາມ ເປັນຢ່າງດີ ແລະ ສະແດງຄວາມເຊື່ອໝັ້ນວ່າ ດ້ວຍປະສົບການໃນການເຄື່ອນໄຫວດ້ານການທູດທີ່ອຸດົມສົມບູນ ທ່ານນາງ Catherine Wong Siow Ping ຈະມີຂໍ້ລິເລີ່ມຫລາຍຢ່າງ ປະກອບສ່ວນໃຫ້ແກ່ການພັດທະນາສາຍພົວພັນ 2 ປະເທດ.