ທ່ານຮອງນາຍົກລັດຖະມົນຕີ ເລມິງຄາຍ ຕ້ອນຮັບທ່ານລັດຖະມົນຕີຮັບຜິດຊອບກະຊວງເສດຖະກິດ, ການສຶກສາ ແລະ ຄົ້ນຄວ້າ ສະວິດ Dominique Paravicini (ພາບ: TTXVN)

        ຕອນເຊົ້າວັນທີ 26 ຕຸລາ, ຢູ່ ຮ່າໂນ້ຍ, ທີ່ການຕ້ອນຮັບທ່ານລັດຖະມົນຕີຮັບຜິດຊອບກະຊວງເສດຖະກິດ, ການສຶກສາ ແລະ ຄົ້ນຄວ້າ ສະວິດ Dominique Paravicini, ທີ່ພວມຢ້ຽມຢາມ ຫວຽດນາມ, ທ່ານຮອງນາຍົກລັດຖະມົນຕີ ຫວຽດນາມ ເລມິງຄາຍ ເນັ້ນໜັກວ່າ, ຫວຽດນາມ - ສະວິດ ຕ້ອງສືບຕໍ່ເສີມຂະຫຍາຍທ່າແຮງຂອງແຕ່ລະປະເທດ ເພື່ອຊຸກຍູ້ການພົວພັນລະຫວ່າງ 2 ປະເທດໃຫ້ນັບມື້ນັບດີກວ່າ, ເລິກເຊິ່ງ, ກວ້າງຂວາງ, ບັນລຸປະສິດທິຜົນ, ແທດຈິງຫຼາຍກວ່າເກົ່າ.

        ທ່ານຮອງນາຍົກລັດຖະມົນຕີ ສະເໜີໃຫ້ 2 ຝ່າຍສົມທົບກັນຢ່າງແໜ້ນແຟ້ນ, ຜັນຂະຫຍາຍ “ໂຄງການຮ່ວມມືຂອງ ຫວຽດນາມ ແລະ ສະວິດໄລຍະ 2021 - 2024” ໃຫ້ບັນລຸປະສິດທິຜົນ, ດ້ວຍບັນດາບຸລິມະສິດແມ່ນເພີ່ມທະວີກຳລັງແກ່ງແຍ້ງໃຫ້ແກ່ຂົງເຂດເສດຖະກິດເອກະຊົນ, ການພັດທະນາເສດຖະກິດພູມປັນຍາ, ການຮັບມືກັບບັນດາສິ່ງທ້າທາຍໃໝ່ກ່ຽວກັບການພັດທະນາ ແລະ ການປ່ຽນແປງຂອງດິນຟ້າອາກາດ. ຫວຽດນາມ ປາດຖະໜາສືບຕໍ່ໄດ້ຮັບການໜູນຊ່ວຍຂອງ ສະວິດ ສຳລັບການພັດທະນາແບບຍືນຍົງຂອງ ຫວຽດນາມໃນໄລຍະຈະມາເຖິງ.

        ສ່ວນທ່ານ Dominique Paravicini, ໃຫ້ຮູ້ວ່າ, ບັນດາວິສາຫະກິດຂອງ ສະວິດ ທີ່ພວມຜະລິດ, ດຳເນີນທຸລະກິດຢູ່ ຫວຽດນາມ ເຊິ່ງທ່ານໄດ້ພົບປະໃນການຢ້ຽມຢາມ ຫວຽດນາມ ຄັ້ງນີ້, ລ້ວນແຕ່ຕີລາຄາສູງຄວາມສາມາດບົ່ມຊ້ອນໃນການພັດທະນາຂອງ ຫວຽດນາມ. ທ່ານເຊື່ອໝັ້ນວ່າ, ໃນໄລຍະຈະມາເຖິງ, ວິສາຫະກິດ ສະວິດ ຈະເຂົ້າມາລົງທຶນຢູ່ ຫວຽດນາມ ຫຼາຍກວ່າອີກ.