ໄຂງານຕະຫລາດນັດການຄ້າຫວຽດນາມ-ຈີນຄັ້ງທີ 21
ພາບປະກອບ:internet
|
(vovworld)- ພາຍໃຕ້ຫົວຂໍ້ວ່າ:“ການຮ່ວມມືຂ້າມຊາຍແດນ, ເປີດປະຕູພ້ອມກັນຍາດໄຊຊະນະ”, ງານຕະຫລາດນັດໄດ້ດຶງດູດວິສາຫະກິດ, ນັກທຸລະກິດມາຈາກຈີນ, ຫວຽດນາມ ແລະ ບັນດາປະເທດ ອາຊຽນ ເຂົ້າຮ່ວມເປັນຈຳນວນຫລວງຫລາຍ ເພື່ອຊອກຫາກາລະໂອກາດພັດທະນາດ້ານການຄ້າ, ການລົງທຶນ, ການທ່ອງທ່ຽວ.
ໃນວັນດຽວກັນ, ໃນຂອບເຂດງານຕະຫລາດນັດການຄ້າຫວຽດນາມ-ຈີນຄັ້ງທີ 21, ງານຕະຫລາດນັດແລກປ່ຽນການຄ້າ ຫວຽດນາມ -ຈີນ ກໍຖືກໄຂຂຶ້ນຢູ່ດ່ານຊາຍແດນມິດຕະພາບ-ປີງຊຽງໂດຍມີການເຂົ້າຮ່ວມຂອງຜູ້ຕາງຫນ້າກົງສູນໃຫຍ່ຫວຽດນາມ, ລາວ, ມຽນມາ ປະຈຳຫນານຫນີງ. ເນື່ອງໃນໂອກາດນີ້, ມີການເຄື່ອນໄຫວຫລາຍຢ່າງກໍຖືກຈັດຂຶ້ນຄື: ງານຕະຫລາດນັດວາງສະແດງຜະລິດຕະພັນໄມ້ຂະຍຸ້ງຈີນ ຄັ້ງທີ 1, ເວທີປາໄສວັດທະນະທຳ ຈີນ- ອາຊຽນ, ກອງປະຊຸມສຳມະນາສາກົນກ່ຽວກັບການພົບປະແລກປ່ຽນວັດທະນະທຳຊາຍແດນ ຫວຽດນາມ- ຈີນ, ການແຂ່ງຂັນມິດຕະພາບໝາກຮຸກສາກົນ ຫວຽດນາມ- ຈີນ.