Fanpage ABC Mundial ຂອງ ອາກຊັງຕິນ ໄດ້ລົງບົດຂຽນຊົມເຊີຍຜົນງານພັດທະນາເສດຖະກິດຂອງ ຫວຽດນາມ ພາຍຫຼັງ 50 ປີແຫ່ງວັນປົດປ່ອຍພາກໃຕ້

ຫວ່າງມໍ່ໆມານີ້, ໃນ Fanpage ABC Mundial ຂອງ ອາກຊັງຕິນ ໄດ້ລົງບົດຂຽນຊົມເຊີຍຜົນງານພັດທະນາເສດຖະກິດຂອງ ຫວຽດນາມ ພາຍຫຼັງ 50 ປີແຫ່ງວັນປົດປ່ອຍພາກໃຕ້, ທ້ອນໂຮມປະເທດຊາດເປັນເອກະພາບ (ວັນທີ 30 ເມສາ 1975 – 30 ເມສາ 2025). ໃນບົດຂຽນ ດ້ວຍຫົວຂໍ້ “ຫວຽດນາມ ປັບປຸງທີ່ຕັ້ງເພື່ອກາຍເປັນພື້ນຖານເສດຖະກິດທີ່ມີລາຍຮັບສູງ”, ABC Mundial ໃຫ້ຂໍ້ສັງເກດວ່າ ຫວຽດນາມ ແມ່ນໜຶ່ງໃນບັນດາຕົວຢ່າງທີ່ໜ້າສົນໃຈທີ່ສຸດກ່ຽວກັບການຫັນປ່ຽນເສດຖະກິດໃນສະຕະວັດ XXI ແລະ  ຫວຽດນາມ ໄດ້ກາຍເປັນສູນດຶງດູດນັກລົງທຶນໂດຍກົງຕ່າງປະເທດ (FDI). ຖ້າສືບຕໍ່ເດີນຕາມເສັ້ນທາງປັດຈຸບັນ, ຫວຽດນາມ ບໍ່ພຽງແຕ່ບັນລຸໄດ້ທີ່ຕັ້ງພື້ນຖານເສດຖະກິດທີ່ມີລາຍຮັບສູງໃນປີ 2045 ເທົ່ານັ້ນ ຫາກຍັງເປັນແຫຼ່ງກຳລັງໃຈໃຫ້ແກ່ບັນດາປະເທດພວມພັດທະນາອື່ນປະຕິບັດຕາມ.

        ວັນທີ 28 ເມສາ, ໜັງສືພິມລາຍວັນ ຝ່າຍຊ້າຍໃຫຍ່ສຸດຂອງ ເມັກຊີໂກ La Jornada ໄດ້ມີບົດຂຽນລົງພາບຖ່າຍ ແລະ ຍ້ອງຍໍຊົມເຊີຍໄຊຊະນະຄັ້ງປະຫວັດສາດວັນທີ 30 ເມສາ 1975 ໄດ້ຊ່ວຍທ້ອນໂຮມປະເທດຊາດເປັນເອກະພາບ, ຍາດໄດ້ສັນຕິພາບ ແລະ ພັດທະນາເສດຖະກິດກາຍເປັນ ເສືອໂຕໃໝ່ຂອງ ອາຊີ” ຄືໃນປັດຈຸບັນນີ້.

        ເນື່ອງໃນໂອກາດນີ້, ນັກຂ່າວ Canal Caribe, ຊ່ອງໂທລະພາບແຫ່ງຊາດ ກູບາ ໄດ້ມີໜ້າຢູ່ນະຄອນ ໂຮ່ຈີມິນ ເພື່ອບັນທຶກຈຸດເວລາພິເສດໃນສາຍພົວພັນສອງຝ່າຍ.