(VOVWORLD) -ວົງຕະກຸນ ວ່າງ ຄຸ້ມຄອງດ້ວຍຕົນເອງ ຢູ່ ຕາແສງ ຕາຕົ໋ງ ແຂວງ ລາຍເຈົາ ໄດ້ຮັບການສ້າງຕັ້ງຂຶ້ນໃນໄລຍະ ກວ່າ 5 ປີມານີ້. ນັບແຕ່ເມື່ອສ້າງຕັ້ງຂຶ້ນມາຮອດປະຈຸບັນ, ພ້ອມກັບເລື່ອງຮັກສາຄວາມເປັນລະບຽບຮຽບຮ້ອຍ, ວົງຕະກຸນ ວ່າງ ແມ່ນແບບຢ່າງ ນຳຫນ້າໃນຂະບວນການຊ່ວຍເຫລືອກັນພັດທະນາເສດຖະກິດ, ລົບລ້າງຄວາມອຶດຫິວຫລຸດຜ່ອນຄວາມທຸກຍາກຢູ່ ທ້ອງຖິ່ນ.
 ຮ້ອຍເອກ ຫລີຟູ່ຍຈອງ, ຫົວຫນ້າ ຕຳຫລວດ ຕາແສງ ຕາຕົ໋ງ. (ພາບ:Ngọc Anh) |
:ຕາຕົ໋ງ ຢູ່ ຕາແສງເຂດພູສູງ ເມືອງ ເມື່ອງແຕ່ ແຂວງ ລາຍເຈົາ ມີຄວາມຫຍຸ້ງຍາກເປັນພິເສດ . ປະຊາຊົນດຳລົງຊີວິດ ຢູ່ 11 ຕາແສງ ແລະ 4 ເຂດຊຸມຊົນ ດ້ວຍພົນລະເມືອງ 7.168 ຄົນ,ໃນນັ້ນ ຊາວເຜົ່າມົ້ງກວມເອົາກວ່າ 95%. ຕາແສງ ຕາຕົ໋ງ ມີ 2 ວົງຕະກຸນໃຫຍ່ ນັ້ນແມ່ນວົງຕະກຸນ ວ່າງ ແລະ ວົງຕະກຸນ ຢາງ. ອ້າຍ ຊຸ່ງອາຈື ປະທານ ຄະນະກຳມະການປະຊາຊົນ ຕາແສງ ຕາຕົ໋ງ ໃຫ້ຮູ້ວ່າ:
“ວົງຕະກຸນ ວ່າງ ກ່ອນນີ້ ປະຕິບັດ ບ້ານ, ຕາແສງຢ່າງເຂັ້ມງວດ.ພາຍຫລັງໄດ້ຮັບການສ້າງຕັ້ງ ວົງຕະກຸນ ວ່າງ ໄດ້
ສົ່ງຜູ້ຕາງໜ້າ
ວົງຕະກຸນ ຄົນໜຶ່ງໄປ
ເຂົ້າຮ່ວມການຄຸ້ມຄອງລວມໃນຕາແສງ. ບັນດາຄອບຄົວກ່ອນນີ້ ບໍ່ມັກ
ອອກແຮງງານ ຫົວຫນ້າວົງຕະກຸນ ໄດ້
ລົງໄປ
ຕັກເຕືອນຂົນຂວາຍເຂົາເຈົ້າອອກແຮງງານ. ບາງຄອບຄົວກ່ອນນີ້ ເມື່ອໄດ້ຍິນຖ້ອຍທຳນອງເສກສັນປັ້ນແຕ່ງບິດເບື່ອນຄວາມຈິງ ແຕ່ພາຍຫລັງໄດ້ຮັບການໂຄສະນາ ເຂົາເຈົ້າກໍ່
ລ້ວນແຕ່ປະຕິບັດຕາມແຜນນະໂຍບາຍແນວທາງຂອງພັກ, ລັດ ພິເສດແມ່ນ ກົດລະບຽບຂອງບ້ານ”
ອຳນາດການປົກຄອງ ແລະ ຕຳຫລວດທ້ອງຖິ່ນ ໄດ້ເປັນເສນາທິການໃຫ້ຕຳຫລວດແຂວງ ເພື່ອສ້າງຕັ້ງວົງຕະກຸນ ວ່າງ ຄຸ້ມຄອງດ້ວຍຕົນເອງ ຕາແສງ ຕາຕົ໋ງ. ວົງຕະກຸນ ວ່າງ ຄຸ້ມຄອງດ້ວຍຕົນເອງ ຢູ່ຕາແສງ ຕາຕົ໋ງ ປະຈຸບັນ ມີ 96 ຄອບຄົວ ແບ່ງປັນ 3 ກຸ່ມເຄື່ອນໄຫວຢູ່ 3 ບ້ານ. ຮ້ອຍເອກ ຫລີຟູ່ຍຈອງ, ຫົວຫນ້າ ຕຳຫລວດ ຕາແສງ ຕາຕົ໋ງ ໃຫ້ຮູ້ວ່າ:
“ພວກຂ້າພະເຈົ້າ ເລືອກເຟັ້ນ ວົງຕະກຸນ ວ່າງ ເພາະວ່າ ວົງຕະກຸນ ວ່າງ ມີຜູ້ຫນຶ່ງເປັນ ອະດີດເລຂາພັກ ມີໄລຍະເວລາປະຕິບັດວຽກງານສັງຄົມເປັນຢ່າງດີ, ຮັບຮູ້ບົດບາດ ແລະ ຄວາມຮັບຜິດຊອບການຄຸ້ມຄອງວົງຕະກຸນ. ພວກຂ້າພະເຈົ້າເລືອກເຟັ້ນວົງຕະກຸນ ວ່າງ ເປັນແບບຢ່າງເພື່ອກ້າວໄປເຖິງການທະວີຄູນອອກສູ່ວົງຕະກຸນອື່ນ. ຮູບແບບວົງຕະກຸນ ວ່າງ ຮັບປະກັນຄວາມເປັນລະບຽບຮຽບຮ້ອຍ ແລະ ປະຈຸບັນເຄື່ອນໄຫວມາໄດ້ກວ່າ 5 ປີແລ້ວ. ຮູບແບບນີ້ ພວມຮັກສາການເຄື່ອນໄຫວໄດ້ເປັນຢ່າງດີ ເປັນຕົ້ນແມ່ນບັນຫາຂົນຂວາຍລູກຫລານໄປໂຮງຮຽນ, ບໍ່ລະເມີດກົດໝາຍ. ໃນວົງຕະກຸນ ເຂົາເຈົ້າເຄີຍ ຈັດການຕີລາຄາການປະຕິບັດເປັນປະຈຳ”
ວົງຕະກຸນ ວ່າງ ໄດ້ສ້າງກົດລະບຽບຢ່າງມີແບບມີແຜນ, ມີການກະທຳຢ່າງແທດຈິງ, ສະມາຊິກທຸກຄົນໃນວົງຕະກຸນ ວ່າງ ລ້ວນແຕ່ແມ່ນແບບຢ່າງປະຕິບັດນະໂຍບາຍ, ກົດໝາຍຂອງລັດຢ່າງເຂັ້ມງວດ. ອ້າຍ ວ່າງອາແຍ່ ຢູ່ ບ້ານຕາຕົ໋ງ ເລົ່າສູ່ຟັງວ່າ:
“ພວກຂ້າພະເຈົ້າຂົນຂວາຍລູກຫລານໄປໂຮງຮຽນ, ດຸໝັ່ນໃນການອອກແຮງງານ, ຜະລິດເພືື່ອພັດທະນາເສດຖະກິດຄອບຄົວ, ບໍ່ໄດ້ຍິນການໂຄສະນາເສກສັນປັ້ນແຕ່ງຈາກພວກຄົນບໍ່ດີ. ກ່ອນທີ່ສ້າງຕັ້ງ ວົງຕະກຸນກໍ່ປະສົບກັບຄວາມຫຍຸ້ງຍາກ ສະມາຊິກໃນວົງຕະກຸນ ໄປເຮັດວຽກຢູ່ຫລາຍບ່ອນ ແຕ່ເມື່ອໄດ້ຮັບການສ້າງຕັ້ງ ພໍ່ແມ່ປະຊາຊົນລ້ວນແຕ່ເຂົ້າໃຈໄດ້ແຜນນະໂຍບາຍ, ນະໂຍບາຍຂອງລັດ. ພວກຂ້າພະເຈົ້າພ້ອມກັນບໍລິຈາກ, ສ້າງກອງທຶນເພື່ອແບ່ງປັນ, ຊ່ວຍເຫລືອຄອບຄົວທີ່ປະສົບກັບຄວາມຫຍຸ້ງຍາກ”
 ອ້າຍ ວ່າງອາແຍ່ ແນະນຳ ໃບຍ້ອງຍໍຂອງ ວົງຕະກຸນ ວ່າງ. (ພາບ: NgocAnh) |
ວົງຕະກຸນ ວ່າງ ຢູ່ ຕາແສງ ຕາຕົ໋ງ ມີສະມາຊິກພັກຫລາຍຄົນເຂົ້າຮ່ວມ. ພິເສດ ໃນນັ້ນ ມີສະມາຊິກກາຍເປັນພະນັກງານຫລັກແຫລ່ງຂອງທ້ອງຖິ່ນ. ອ້າຍ ວ່າງອາມົ່ວ, ເລຂາຫນ່ວຍພັກ ບ້ານ ຕາຕົ໋ງ ໃຫ້ຮູ້ວ່າ:
“ປະຈຸບັນຫນ່ວຍພັກ ມີສະມາຊິກພັກ 26 ຄົນ, ໃນນັ້ນ ມີ 3 ຄົນແມ່ນລັດຖະກອນ, ສ່ວນຍັງເຫລືອແມ່ນຊາວກະສິກອນ. ວົງຕະກຸນ ວ່າງ ຂົນຂວາຍປະຊາຊົນເພີ່ມພູນຜະລິດຜົນ, ຕັ້ງຫນ້າເຮັດວຽກທຳມາຫາກິນເພື່ອລົບລ້າງຄວາມອຶດຫິວຫລຸດຜ່ອນຄວາມທຸກຍາກ, ພັດທະນາກ້າວຂຶ້ນ. ບັນດາສະມາຊິກພັກພວມເຄື່ອນໄຫວໃນຫນ່ວຍພັກ ແຕ່ລະເດືອນໄດ້ວາງອອກທິດທາງ, ໂຄສະນາ, ຊາບຊຶມໃຫ້ປະຊາຊົນ, ຄອບຄົວ, ພີ່ນ້ອງໃນວົງຕະກຸນຕົນ ຊອກຫາ, ຮ່ຳຮຽນເອົາບົດຮຽນຄວາມຮູ້ໃຫມ່, ວິທະຍາສາດເຕັກນິກ ນຳໃຊ້ເຂົ້າໃນການຜະລິດໃຫ້ມີປະສິດທິຜົນກວ່າ, ນຳໃຊ້ຝຸ່ນເຄມີແນວໃດໃຫ້ເໝາະສົມເພື່ອຮັບຜົນຜະລິດໄດ້ສູງກວ່າ”
ຊຸມປີຜ່ານມາ, ຕາແສງ ຕາຕົ໋ງ ເສີມຂະຫຍາຍບົດບາດຂອງບັນດາຫົວຫນ້າວົງຕະກຸນ, ຜູ້ມີອິດທິພົນຊື່ສຽງເພື່ອກໍ່ສ້າງຮູບແບບ “ວົງຕະກຸນຄຸ້ມຄອງດ້ວຍຕົນເອງ”. ຜ່ານນັ້ນ ປະກອບສ່ວນເຂົ້າໃນການປົກປັກຮັກສາຄວາມເປັນລະບຽບຮຽບຮ້ອຍ, ຊຸກຍູ້ການພັດທະນາເສດຖະກິດ ສັງຄົມຂອງທ້ອງຖິ່ນ