(vovworld)- ວັນທີ 17/5, ຢູ່ສຳນັກງານຄະນະເລຂາອາຊຽນ ຢູ່ ນະຄອນຫລວງ ຢາກາກຕາ ປະເທດອິນໂດເນເຊຍ ໄດ້ດຳເນີນພິທີສະເຫນີຕົວ, ແນະນຳປື້ມຄົ້ນຄ້ວາທີ່ມີຫົວຂໍ້ວ່າ: “ຮັດແຄບຊ່ອງຫວ່າງການພັດທະນາໃນອາຊຽນ: ທິດທາງ ແລະ ການເລືອກເຟັ້ນນະໂຍບາຍ”. ນີ້ແມ່ນສິ່ງພິມໂດຍຄະນະເລຂາອາຊຽນຮ່ວມມືກັບອົງການພັດທະນາສາກົນ ອົດສະຕາລີ ພິມຈຳຫນ່າຍ, ໃນຂອບເຂດປະຕິບັດໂຄງການຮ່ວມມືພັດທະນາ ອາຊຽນ - ອົດສະຕາລີ ໄລຍະ 2. ນະພິທີ, ທ່ານເລຂາທິການໃຫຍ່ ອາຊຽນ ເລເລືອງມີນ ເນັ້ນຫນັກເຖິງຄວາມໝາຍສຳຄັນຂອງເລື່ອງສະເຫນີຕົວປື້ມດັ່ງກ່າວ, ຊ່ວຍໃຫ້ອາຊຽນພິຈາລະນາ, ຕີລາຄາໄລຍະກາງສະໄຫມຂອງການປະຕິບັດວິວັດການເຊື່ອມໂຍງຂອງພາກພື້ນ, ເປັນຕົ້ນໃນຂົງເຂດຮັດແຄບຊ່ອງຫວ່າງການພັດທະນາ.