ຕາມການຄາດຄະເນແລ້ວ, ວັນທີ 11/2 , ກອງປະຊຸມຍຸດຍອດ 4 ຝ່າຍລະຫວ່າງບັນດາການນຳເຢັຍລະມັນ, ຝະລັ່ງ, ລັດເຊຍ ແລະ ຢູແກຼນຈະຖືກຈັດຂຶ້ນຢູ່ນະຄອນຫຼວງ Minsk ຂອງເບເລຣຸດ ເພື່ອແນໃສ່ຊອກຫາວິທີການແກ້ໄຂໃຫ້ແກ່ວິກິດການຢູ່ພາກຕາເວັນອອກຢູແກຼນ. ແຕ່ກໍຍັງຄົງປະສົບກັບຄວາມຫຍຸ້ງຍາກຫຼາຍຢ່າງ ເຖິງວ່າ ບັນດາຝ່າຍຕ່າງກໍສະແດງຄວາມຫວັງຢາກຢຸດຕິການປະທະກັນຢູ່ພາກຕາເວັນອອກຢູແກຼນ.
ສະໜາມບິນຢູ່ພາກຕາເວັນອອກຢູແກຼນຖືກທຳລາຍພາຍຫຼັງການປະທະກັນ (ພາບ : AP) |
ວົງການນັກສັງເກດການໃຫ້ຂໍ້ສັງເກດວ່າ ກອງປະຊຸມຍຸດຍອດທີ່ຈັດຂຶ້ນຢູ່ນະຄອນຫຼວງ Minsk ຂອງເບເລຣຸດຊຶ່ງຄາດວ່າຈະດຳເນີນໃນວັນທີ 11/2 ໄດ້ຮັບຖືວ່າ ແມ່ນກາລະໂອກາດສັນຕິພາບສຸດທ້າຍໃຫ້ແກ່ບັນຫາຢູແກຼນ. ກອງປະຊຸມດັ່ງກ່າວແມ່ນໝາກຜົນພາຍຫຼັງການພົບປະ 3 ຝ່າຍລະຫວ່າງປະທານາທິບໍດີລັດເຊຍ Putin, ນາຍົກລັດຖະມົນຕີເຢຍລະມັນ Angela Merkel ແລະ ປະທານາທິບໍດີຝະລັ່ງ Francois Hollande ຢູ່ມົດສກູເມື່ອວັນທີ 6/2 ກ່ຽວກັບບັນຫານີ້.
ບັນດາສັນຍານທີ່ສະດວກ
ພາຍຫຼັງການພົບປະກັບ ນາຍົກລັດຖະມົນຕີເຢຍລະມັນ Angela Merkel ເມື່ອຕອນເຊົ້າວັນທີ 10/2 ຕາມເວລາຫວຽດນາມ, ຢູ່ທຳນຽບຂາວ, ປະທານາທິບໍດີອາເມລິກາ Barack Obama ໄດ້ເຫັນດີໂຈະການສະໜອງອາວຸດໃຫ້ແກ່ ຢູແກຼນ. ປະທານາທິບໍດີອາເມລິກາ Barack Obama ຖະແຫຼງວ່າ ທ່ານປາຖະໜາ ນາຍົກລັດຖະມົນຕີເຢຍລະມັນ Angela Merkel ແລະ ປະທານາທິບໍດີຝະລັ່ງ Francois Hollande ອາດຈະບັນລຸຂໍ້ຕົກລົງສະບັບໜຶ່ງກັບ ປະທານາທິບໍດີລັດເຊຍ Putin ເພື່ອຢຸດຕິການປະທະກັນທີ່ນອງເລືອດເປັນເວລາ 10 ເດືອນຢູ່ ພາກຕາເວັນອອກຢູແກຼນ.ຂໍ້ຕົກລົງຂອງ ປະທານາທິບໍດີອາເມລິກາ Barack Obama ໄດ້ຫຼຸດຜ່ອນຄວາມບໍ່ລົງລອຍກັນສ່ວນໃດສ່ວນໜຶ່ງລະຫວ່າງອາເມລິນາ ແລະ ສະຫະພາບເອີລົບ, ພ້ອມທັງເປັນການປອບໃຈແກ່ ນາຍົກລັດຖະມົນຕີເຢຍລະມັນ Angela Merkel ຂະນະທີ່ກ່ອນໜ້ານັ້ນ, ທ່ານນາງໄດ້ຢືນຢັນກ່ຽວກັບການສະໜອງອາວຸດໃຫ້ແກ່ກອງທັບຢູແກຼນ ແມ່ນປຽບເໝືອນການຖອກນ້ຳມັນໃສ່ແປວໄຟຢູ່ພາກຕາເວັນອອກຢູແກຼນ. ຫາງສຽງຍັງຍັງຈືດີກ່ຽວກັບຄຳກ່າວປາໄສທີ່ກອງປະຊຸມປ້ອງກັນຄວາມສະຫງົບ Munich ເມື່ອວັນທີ 7/2, ທ່ານນາງນາຍົກລັດຖະມົນຕີເຢຍລະມັນ Angela Merkel ໄດ້ຢືນຢັນຄືນວ່າ ແບກລິນບໍ່ສູ້ຢັນ ແລະ ໃຫ້ການຮ່ວມມືກັບລັດເຊຍເພື່ອຄວາມສະຫງົບຢູ່ເອີລົບ. ນາຍົກລັດຖະມົນຕີເຢຍລະມັນ Angela Merkel ຍັງເນັ້ນໜັກວ່າ ເຢຍລະມັນຫວັງຢາກສ້າງຄວາມສະຫງົບຢູ່ເອີລົບພ້ອມກັບລັດເຊຍ, ຫາກບໍ່ແມ່ນຕ້ານລັດເຊຍ.
ໃນການກະທຳອັນໜຶ່ງຊຶ່ງໄດ້ຮັບຖືວ່າ ແມ່ນເພື່ອແນໃສ່ຫຼີກລ້ຽງການກໍຄວາມສັບສົນກ່ອນທີ່ດຳເນີນ ກອງປະຊຸມຍຸດຍອດ 4 ຝ່າຍລະຫວ່າງເຢັຍລະມັນ, ຝະລັ່ງ, ລັດເຊຍ ແລະ ຢູແກຼນຢູ່ນະຄອນຫຼວງ Minsk ຂອງເບເລຣຸດນັ້ນ, ທີ່ກອງປະຊຸມຢູ່ບຣຸກແຊນປະເທດແບນຊິກ ເມື່ອວັນທີ 9/2, ລັດຖະມົນຕີການຕ່າງປະເທດບັນດາປະເທດ EU ໄດ້ຕົກລົງໂຈະການນຳໃຊ້ບັນດາມາດຕະການຂວ້ຳບາດໃໝ່ຕ້ານລັດເຊຍ.
ສິ່ງທ້າທາຍນາໆປະການ
ເຖິງວ່າໄດ້ປະກົດມີບາງສັນຍານທີ່ຕັ້ງໜ້າ ແນໃສ່ຊ່ວຍຫຼຸດຜ່ອນຄວາມເຄັ່ງຕຶງກ່ອນທີ່ດຳເນີນ ກອງປະຊຸມຍຸດຍອດ 4 ຝ່າຍ, ແຕ່ຫາງສຽງຍັງຄົງເຫັນວ່າ ຍັງເຕັມໄປດ້ວຍຄວາມຫຍຸ້ງຍາກຊຶ່ງບັນດາຝ່າຍຕ້ອງຜ່ານຜ່າ. ນັງທັງລັດຖະມົນຕີການຕ່າງປະເທດເຢຍລະມັນ Frank – Walter Steinmeier ກໍຍອມຮັບວ່າ ປະຈຸບັນຍັງບໍ່ທັນແນໃຈກ່ຽວກັບເລື່ອງ ຢູແກຼນ ແລະ ລັດເຊຍອາດຈະບັນລຸຂໍ້ຕົກລົງການເມືອງສະບັບໜຶ່ງທີ່ກອງປະຊຸມຈັດຂຶ້ນຢູ່ນະຄອນຫຼວງ Minsk ຂອງເບເລຣຸດ ໄດ້ຫຼືບໍ່. ນີ້ແມ່ນສິ່ງທີ່ ປະທານາທິບໍດີຝະລັ່ງ Francois Hollande ໄດ້ພັນລະນາວ່າ ແມ່ນໜຶ່ງໃນບັນດາກາລະໂອກາດສຸດທ້າຍເພື່ອຢຸດຕິການປະທະກັນມາເປັນເວລາ 10 ເດືອນຢູ່ ຢູແກຼນ. ປະຈຸບັນ, ບັນດາຝ່າຍພວມມານະພະຍາຍາມຢ່າງສຸດຂິີດ. ກ່ອນໜ້ານັ້ນຢູ່ທີ່ ກອງປະຊຸມປ້ອງກັນຄວາມສະຫງົບ Munich ເມື່ອວັນທີ 7/2, ນາຍົກລັດຖະມົນຕີເຢຍລະມັນ Angela Merkel ໄດ້ຖືວ່າ ເຖິງວ່າທ່ານນາງບໍ່ແນ່ໃຈວ່າ ກອງປະຊຸມຍຸດຍອດ 4 ຝ່າຍຈະບັນລຸໝາກຜົນໄດ້ຫຼືບໍ່ ກໍຕາມ, ແຕ່ບັນດາຝ່າຍທີ່ກ່ຽວຂ້ອງເຖິງວິກິດການຢູ່ ຢູແກຼນຕ້ອງເດີນຕາມບັນດາກາລະໂອກາດ. ປະທານາທິບໍດີອາເມລິກາ Barack Obama ຍັງບໍ່ປະເອີບໃຈປານໃດຕໍ່ແງ່ຫວັງຂອງ ກອງປະຊຸມຍຸດຍອດຂະນະທີ່ທ່ານກາ່ວເຕືອນວ່າ ອາເມລິກາຈະສືບຕໍ່ເພີ່ມທະວີການຂວ້ຳບາດລັດເຊຍ ແລະ ສະໜອງອາວຸດໃຫ້ແກ່ຢູແກຼນຖ້າຫາກການພົບປະ 4 ຝ່າຍລະຫວ່າງເຢັຍລະມັນ, ຝະລັ່ງ, ລັດເຊຍ ແລະ ຢູແກຼນທີ່ນະຄອນຫຼວງ Minsk ຂອງເບເລຣຸດບໍ່ສາມາດນຳມາເຊິ່ງຂໍ້ຕົກລົງສັນຕິພາບໄດ້.
ໃນຂະນະນັ້ນ, ການສູ້ຮົບຍັງຄົງດຳເນີນຢ່າງດຸເດືອດຢູ່ ພາກຕາເວັນອອກຢູແກຼນ, ສືບຕໍ່ກໍຄວາມບາດເຈັບລົ້ມຕາຍໃຫ້ແກ່ທະຫານ ແລະ ສາມັນຊົນ. ມາຮອດປະຈຸບັນ, ຈຳນວນຜູ້ເສຍຊີວິດໃນການສູ້ຮົບທີ່ແກ່ຍາວ ເປັນເວລາ 10 ເດືອນຢູ່ ຢູແກຼນ ໄດ້ຂຶ້ນເຖິງ 5.600 ຄົນ.
ຄວາມຈິງໄດ້ສະແດງໃຫ້ເຫັນທ່າທີຂອງມົດສະກູຢູ່ທີ່ ກອງປະຊຸມຍຸດຍອດໃນນະຄອນຫຼວງ Minsk ຂອງເບເລຣຸດເມື່ອວັນທີ 11/2 ຈະຕັດສິນກ່ຽວກັບສະພາບການຂອງຢູແກຼນກໍຄືວິທີການປະພຶດຕໍ່ໄປຂອງອາເມລິກາ ແລະ EU ທີ່ມີຕໍ່ລັດເຊຍ. ກ່ອນໜ້ານັ້ນ. ບັນດາການນຳຝ່າຍຕາເວັນຕົກໄດ້ສະເໜີປະທານາທິບໍດີລັດເຊຍ Putin ຈົ່ງມີການກະທຳທີ່ເດັດດຽວເພື່ອຢັ້ງຢືນວ່າ ມົດສະກູຢາກມີສັນຕິພາບແທ້.
ຂໍ້ຕົກລົງເພື່ອຫຼຸດຜ່ອນວິກິດການຢູແກຼນ ແມ່ນຄວາມຫວັງຂອງຫຼາຍຝ່າຍ. ແຕ່ໃນສະພາບການທີ່ຫຍຸ້ງຍາກຄືປະຈຸບັນ, ຫາງສຽງຍັງລໍຖ້າຕໍ່ໝາກຜົນທີ່ຕັ້ງໜ້າຂອງ ກອງປະຊຸມຍຸດຍອດ 4 ຝ່າຍທີ່ດຳເນີນຢູ່ນະຄອນຫຼວງ Minsk ຂອງເບເລຣຸດໃນວັນທີ 11/2.