ທ່ານຮອງນາຍົກລັດຖະມົນຕີຟ້າມບິ່ງມິນ, ປະທານສະພາທີ່ປຶກສາອະໄພຍະໂທດ 2021 (ພາບ: TTXVN)

ໃນບົດຂຽນກ່ຽວກັບບັນຫານີ້, ທ່ານຮອງນາຍົກລັດຖະມົນຕີຫວຽດນາມ ຟ້າມບິ່ງມິນ ໄດ້ຢັ້ງຢືນເຖິງແຜນນະໂຍບາຍສະເໝີຕົ້ນສະເໝີປາຍຂອງ ພັກ, ລັດ ຫວຽດນາມ ແມ່ນປົກປ້ອງ ແລະ ຊຸກຍູ້ສິດທິມະນຸດຢ່າງຍຸຕິທຳ, ສະເໝີພາບໃຫ້ແກ່ພົນລະເມືອງທຸກຄົນ, ນັບທັງຜູ້ພວມຖືກຈຳຄຸກ. ສິ່ງດັ່ງກ່າວໄດ້ຮັບການກຳນົດຢ່າງຈະແຈ້ງໃນລັດຖະທຳມະນຸນປີ 2013 ແລະ ລະບົບເອກະສານນິຕິກຳຕ່າງໆ. ສະພາບການຕົວຈິງໄດ້ຊີ້ໃຫ້ເຫັນວ່າ ຂໍ້ກຳນົດຕ່າງໆຂອງກົດໝາຍ ໄດ້ຮັບປະກັນບັນດາສິດດັ່ງກ່າວຂອງປະຊາຊົນຢ່າງຄົບຖ້ວນ, ບໍ່ມີການຈຳແນກພົນລະເມືອງຕ່າງປະເທດ ຫຼື ພົນລະເມືອງ ຫວຽດນາມ. ບັນດາສິດທິດັ່ງກ່າວໄດ້ຮັບການຮັບປະກັນໃນຕົວຈິງຢູ່ສານ, ຄ້ານກັກຂັງແຫ່ງຕ່າງໆ ແມ່ນພະຍານຫຼັກຖານອັນແຫຼມຄົມທີ່ສຸດເພື່ອປະຕິເສດຖ້ອຍທຳນອງ, ຂໍ້ມູນຂ່າວທີ່ບໍ່ມີມູນຄວາມຈິງຂອງສ່ວນບຸກຄົນ ຫຼືອົງການຈັດຕັ້ງທີ່ມີເຈດຈຳນົງບໍ່ດີຫວັງເສກສັນປັ້ນແຕ່ງສະພາບການຮັບປະກັນສິດທິມະນຸດຢູ່ ຫວຽດນາມ. ໄປຄຽງຄູ່ກັນນັ້ນ, ການພິຈາລະນາອະໄພຍະໂທດໃຫ້ແກ່ບັນດາກໍລະນີທີ່ຖືສັນຊາດຕ່າງປະເທດຖືກດຳເນີນບົນພື້ນຖານຍຸຕິທຳ, ໂປ່ງໃສນັ້ນ ກໍຊ່ວຍໃຫ້ປະຊາຄົມສາກົນມີຄວາມຮັບຮູ້ຢ່າງຈະແຈ້ງກວ່າກ່ຽວກັບແຜນນະໂຍບາຍ, ນະໂຍບາຍຂອງພັກ ແລະ ລັດ ຫວຽດນາມ.

ຕາມທ່ານຮອງນາຍົກລັດຖະມົນຕີຟ້າມບິ່ງມິນ, ປະທານສະພາທີ່ປຶກສາອະໄພຍະໂທດ 2021 ແລ້ວ, ວຽກງານອະໄພຍະໂທດ ແມ່ນແຜນນະໂຍບາຍ, ນະໂຍບາຍໃຫຍ່ຂອງພັກ ແລະ ລັດ ຫວຽດນາມ, ທັງມີຄວາມເຂັ້ມງວດໃນການພິພາກສາ ອາດຊະຍາກອນ, ພ້ອມດຽວກັນນັ້ນກໍມີຄວາມອະໄພໂທດ ແລະ ມະນຸດສະທຳສຳລັບຜູ້ຄົນທີ່ມີໄລຍະການດັດສ້າງ, ອອກແຮງງານ, ຮ່ຳຮຽນທີ່ດີ ໄດ້ເຊື່ອມຕົວເຂົ້າກັບສັງຄົມ ແລະ ສືບຕໍ່ຝຶກຝົນຫຼໍ່ຫຼອມໃຫ້ກ້າວໜ້າ ເພື່ອກາຍເປັນຜູ້ມີປະໂຫຍດຕໍ່ສັງຄົມ.