 ມີນັກໂດດຈ້ອງເກືອບ 50 ຄົນເຂົ້າຮ່ວມ(ພາບປະກອບ)
|
ແຕ່ວັນທີ 14 – 16 ກຸມພາ, ຢູ່ຕາແສງ ນຸຍໂຕ, ແຂວງ ອານຢາງ ໄດ້ຈັດງານແຂ່ງຂັນຈ້ອງເວີ່ນນະຄອນ ໂຮ່ຈີມິນ ເປີດກວ້າງຄັ້ງທີ 1, ດ້ວຍຫົວຂໍ້ “ລົງດິນຍອດຢ້ຽມ”. ພິທີໄຂງານບຸນຈັດຈະຈັດຂຶ້ນໃນຕອນເຊົ້າວັນທີ 14 ກຸມພາ, ມີນັກໂດດຈ້ອງເກືອບ 50 ຄົນທີ່ມາຈາກບັນດາສະໂມສອນຈ້ອງເວີ່ນພາຍໃນປະເທດ ແລະ ຕ່າງປະເທດເຂົ້າຮ່ວມ, ພ້ອມກັນນັ້ນກໍ່ແມ່ນບັນດາການເຄື່ອນໄຫວດ້ານວັດທະນະທຳ - ກິລາອື່ນໆ. ບັນດາເຫດການແມ່ນເພື່ອແນະນຳ, ໂຄສະນາພາບພົດກ່ຽວກັບທຳມະຊາດ, ວັດທະນະທຳ, ຊາວ ຈີໂຕນ ເວົ້າສະເພາະ ແລະ ແຂວງ ອານຢາງ ເວົ້າລວມ ເຖິງແຂກທ່ອງທ່ຽວ; ພ້ອມກັນນັ້ນ, ກໍ່ຊອກຫາຜູ້ມີຄວາມເກັ່ງກ້າສາມາດເພື່ອເຂົ້າຮ່ວມ SEA Games 33 ທີ່ຈະຈັດຂຶ້ນຢູ່ ໄທ ໃນເດືອນ ທັນວາ 2025. ທ່ານ ເລິມກວາງກຸຍ, ຮອງປະທານສະຫະພັນກິລາຈ້ອງເວີ່ນນະຄອນ ໂຮ່ຈີມິນ, ໃຫ້ຮູ້ວ່າ:
“ງານແຂ່ງຂັນແມ່ນເພື່ອແນະນຳ, ໂຄສະນາ, ຍົກສູງຄວາມຮັບຮູ້ຂອງປະຊາຄົມກ່ຽວກັບປະເພດກິລາຈ້ອງເວີ່ນ, ເຊິ່ງແມ່ນປະເພດກິລາສ່ຽງໄພ ແຕ່ເຕັມໄປດ້ວຍຄວາມດຶງດູດໃຈ. ຜ່ານນັ້ນ, ກໍ່ໄດ້ສ້າງເຂດລະຫຼີ້ນໃຫ້ແກ່ບັນດານັກໂດດຈ້ອງ, ປະກອບສ່ວນຍົກສູງທັກສະ ແລະ ສ້າງປະຖົມປັດໄຈເພື່ອໃຫ້ບັນດານັກໂດດຈ້ອງເຂົ້າຮ່ວມການແຂ່ງຂັນໃນງານແຂ່ງຂັນຢູ່ພາຍໃນ ແລະ ຕ່າງປະເທດ”.
