ຫວຽດ​ນາມ ແລະ UAE ຕົກ​ລົງ​ເຫັນ​ດີ​ຊຸກ​ຍູ້​ການ​ຮ່ວມ​ມື

ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຫວຽດນາມ ບຸ່ຍແທັງເຊີນ ພົບປະກັບທ່ານຮອງນາຍົກລັດຖະມົນຕີ ທັງເປັນລັດຖະມົນຕີການຕ່າງປະເທດ UAE Abdullah bin Zayed Al – Nahyan (ພາບ: ກະຊວງການຕ່າງປະເທດ)

ໃນການພົບປະກັບທ່ານຮອງປະທານາທິບໍດີ UAE, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຫວຽດນາມ ບຸ່ຍແທັງເຊີນ ສະເໜີໃຫ້ສອງຝ່າຍຕັ້ງໜ້າສົມທົບກັນເພື່ອຜັນຂະຫຍາຍ, ຫັນບັນດາຄຳໝັ້ນສັນຍາເຊິ່ງການນຳຂັ້ນສູງໄດ້ເຫັນດີເປັນເອກະພາບໃຫ້ເປັນລະອຽດ, ຜັນຂະຫຍາຍຂອບເຂດຄູ່ຮ່ວມມືຮອບດ້ານ ແລະ ໃຫ້ສັດຕະຍາບັນສັນຍາຄູ່ຮ່ວມມືເສດຖະກິດຮອບດ້ານ (CEPA) ໂດຍໄວ, ສ້າງກຳລັງໜູນຊຸກຍູ້ການພົວພັນສອງຝ່າຍໃນບັນດາຂົງເຂດເສດຖະກິດ, ການຄ້າ, ການລົງທຶນ, ການປ້ອງກັນຊາດ, ເຕັກໂນໂລຢີສູງ, ຫັນເປັນດີຈີຕອນ…

ສ່ວນທ່ານຮອງປະທານາທິບໍດີ UAE ໃຫ້ຮູ້ວ່າ ໄດ້ຊີ້ນຳບັນດາອົງການ, ກອງທຶນ UAE ສ້າງບັນດາແຜນການຮ່ວມມືໃນບັນດາຂົງເຂດດັ່ງກ່າວ.

ໃນການພົບປະກັບທ່ານຮອງນາຍົກລັດຖະມົນຕີ ທັງເປັນລັດຖະມົນຕີການຕ່າງປະເທດ UAE, ທ່ານຮອງນາຍົກລັດຖະມົນຕີ ທັງເປັນລັດຖະມົນຕີການຕ່າງປະເທດ UAE ໄດ້ເນັ້ນໜັກວ່າ ບັນດາການນຳ UAE ຖືການພັດທະນາການພົວພັນກັບ ຫວຽດນາມ ເປັນສຳຄັນ. ທ່ານກໍສະເໜີໃຫ້ສອງຝ່າຍເພີ່ມທະວີການແລກປ່ຽນ, ຊຸກຍູ້ການຮ່ວມມືໃນຂົງເຂດແຮງງານ, ໃນສະພາບການ UAE ມີຄວາມຕ້ອງການສູງກ່ຽວກັບແຮງງານ ແລະ ຢາກເພີ່ມທະວີຈຳນວນຊາວຕ່າງປະເທດມາດຳລົງຊີວິດ ແລະ ເຮັດວຽກຢູ່ UAE./

ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຫວຽດນາມ ບຸ່ຍແທງເຊີນ ຕ້ອນຮັບທ່ານລັດຖະມົນຕີກະຊວງເສດຖະກິດ UAE Abdullah bin Touq Al Marri (ພາບ: baochinhphu.vn)