ຕອນຄ່ຳວັນທີ 7 ກຸມພາ, ຂະບວນການອິດສະລາມ ຮາມາດສ ປະກາດບັນຊີລາຍຊື່ ຕົວປະກັນ 3 ຄົນຂອງອິດສະຣາແອນ ຊື່ງກຸ່ມນີ້ໃຫ້ຄຳໝັ້ນສັນຍາປ່ອຍຕົວອິດສະຫລະໃນວັນທີ 8 ກຸພາ. ສ່ວນອິດສະຣາແອນ ປະຕິບັດການປ່ອຍຕົວສະເລີຍເສິກ ປາແລດສະຕິນ 183 ຄົນ ໃນບັ້ນແລກປ່ຽນຕົວປະກັນ/ສະເລິຍເສິກ ຄັ້ງທີ 5 ລະຫວ່າງສອງຝ່າຍນັບແຕ່ເມື່ອຄຳສັ່ງຢຸດຍິງມີຜົນສັກສິດຢູ່ເຂດ ກາຊາ ໃນວັນທີ 19 ມັງກອນ.
ຕາມຂໍ້ຕົກລົງຢຸດຍິງທີ່ມີຜົນສັກສິດແຕ່ວັນທີ 19 ມັງກອນ, ຮາມາດສ ໃຫ້ຄຳໝັ້ນສັນຍາຈະປ່ອຍຕົວອິດສະຫລະໃຫ້ແກ່ຕົວປະກັນ 33 ຄົນໃນໄລຍະ1 ທີ່ແກ່ຍາວ 6 ສັບປະດາຂອງຄຳສັ່ງຢຸດຍິງ. ສ່ວນອິດສະຣາແອນ ຈະປ່ອຍຕົວສະເລິຍເສີກ ປາແລດສະຕິນ 1.904 ຄົນ, ໃນນັ້ນ 737 ຄົນຖືກຕັດສິນລົງໂທດຈຳຄຸກຕະຫລອດຊີວິດ. ກ່ອນທີ່ປ່ອຍຕົວໃນວັນທີ 8 ກຸມພາ, ອິດສະຣາແອນ ແລະ ຮາມາດສ ໄດ້ດຳເນີນການແລກປ່ຽນຕົວປະກັນ ແລະ ສະເລິຍເສິກ 4 ຄັ້ງສຳເລັດຜົນ.
ບາທີ ນັກຂ່າວ VOV ປະຈຳ ເອຢີບ
