 ທ່ານນາຍົກລັດຖະມົນຕີ ອິດສະຣາແອັນ Benjamin Netanyahu(ພາບ: THX/TTXVN)
|
ແງ່ຫວັງສິ້ນສຸດສົງຄາມຢູ່ເຂດ ກາຊາ ຍັງປະສົບກັບສິ່ງທ້າທາຍຢ່າງໃຫຍ່ຫຼວງ ເມື່ອຝ່າຍ ອິດສະຣາແອັນ ສືບຕໍ່ສົ່ງສານທີ່ຍັງບໍ່ທັນພ້ອມໃຫ້ແກ່ການປິດການປະທະກັນທີ່ນອງເລືອດເຊິ່ງແກ່ຍາວມາເປັນເວລາກວ່າ 21 ເດືອນຜ່ານມາ, ເຮັດໃຫ້ເກືອບ 60.000 ຄົນເສຍຊີວິດ.
ຕອນຄ່ຳວັນທີ 13 ກໍລະກົດ, ຊ່ອງ 12 ຂອງ ອິດສະຣາແອັນ ໄດ້ໃຫ້ຂ່າວວ່າ, ຫວ່າງໆມໍ່ໆມານີ້, ນາຍົກລັດຖະມົນຕີປະເທດນີ້ ທ່ານ Benjamin Netanyahu ໄດ້ໃຫ້ຄຳໝັ້ນສັນຍາຈະເປີດການຕໍ່ສູ້ຕ້ານຂະບວນການອິດສະລາມ ຮາມາດສ ຢູ່ເຂດ ກາຊາ ຄືນໃໝ່, ພາຍຫຼັງຄຳສັ່ງຢຸດຍິງ 60 ວັນຕາມຂໍ້ສະເໜີຂອງ ອາເມລິກາ ແລະ ບັນດາຝ່າຍເຈລະຈາຢູ່ ກາຕາ ໝົດຜົນສັກສິດ.
ໃນຂະນະນັ້ນ, ໃນສະພາບຕົວຈິງ, ໃນເວລາ 24 ຊົ່ວໂມງຜ່ານມາ, ບັນດາການບຸກໂຈມຕີຂອງ ອິດສະຣາແອັນ ຢູ່ເຂດ ກາຊາ ໄດ້ເຮັດໃຫ້ຢ່າງໜ້ອຍສຸດມີ 139 ຄົນເສຍຊີວິດ, ໃນນັ້ນມີເດັກນ້ອຍ ແລະ ແມ່ຍິງນັບສີບຄົນ.
