ວັນທີ 20 ກຸມພາ, ທ່ານລັດຖະມົນຕີການຕ່າງປະເທດ ລັດເຊຍ Sergey Lavrov ໄດ້ດຳເນີນພົບປະກັບຄູ່ຕຳແໜ່ງ ຈີນ ຫວາງອີ ເພື່ອປຶກສາຫາລືກ່ຽວກັບຫຼາຍຫົວຂໍ້, ລວມມີການພົວພັນກັບ ອາເມລິກາ ແລະ ການປະທະກັນ ຢູ່ ຢູແກຼນ. ການພົບປະໄດ້ດຳເນີນຢູ່ນອກກອງປະຊຸມລັດຖະມົນຕີການຕ່າງປະເທດ ກຸ່ມບັນດາພື້ນຖານເສດຖະກິດພັດທະນາ ແລະ ຫາກໍ່ພົ້ນເດັ່ນແຖວໜ້າໂລກ (G20) ເຊິ່ງໄດ້ດຳເນີນຢູ່ນະຄອນ Johannesburg ແຕ່ວັນທີ 20 – 21 ກຸມພາ.
ຕາມແຈ້ງການຂອງກະຊວງການຕ່າງປະເທດ ລັດເຊຍ, ລັດຖະມົນຕີການຕ່າງປະເທດ 2 ທ່ານ ໄດ້ຕີລາຄາສູງການພັດທະນາຂອງບັນດາການເຄື່ອນໄຫວເຈລະຈາທາງການເມືອງ ແລະ ການແລກປ່ຽນຕົວຈິງລະຫວ່າງ ລັດເຊຍ - ຈີນ, ຖືນີ້ແມ່ນປັດໄຈຊ່ວຍໃຫ້ການພົວພັນສອງປະເທດມີສະຖຽນລະພາບໃນສະພາບການທົ່ວໂລກສືບຕໍ່ຂາດຄວາມເປັນປົກກະຕິ.
ກ່ອນໜ້ານັ້ນ, ກໍໃນວັນດຽວກັນ, ສຳນັກຂ່າວສານ TASS ຂອງ ລັດເຊຍ ໄດ້ຄັດສະເໜີຄຳປາໄສຂອງທ່ານ Larrov ໂດຍໃຫ້ຮູ້ວ່າ ການພົບປະຄັ້ງຕໍ່ໄປຂອງທ່ານກັບຄູ່ຕຳແໜ່ງ ຈີນ ທ່ານ ຫວາງອີ ຈະດຳເນີນຢູ່ ມົດສະກູ, ປະເທດ ລັດເຊຍ ໃນໄວໆນີ້.
