ທ່ານນາຍົກລັດຖະມົນຕີ ຟ້າມມິງຈິງ ໂອລົມທາງໂທລະສັບກັບທ່ານ Lawrence Wong ນາຍົກລັດຖະມົນຕີ ສິງກະໂປ (ພາບ: VOV)

ໃນການໂອ້ລົມທາງໂທລະສັບ, ທ່ານນາຍົກລັດຖະມົນຕີ ຟ້າມມິງຈິງ ສະເໜີໃຫ້ສືບຕໍ່ໃຫ້ບຸລິມະສິດເປີດກວ້າງ ແລະ ຍົກລະດັບເຄືອຂ່າຍບັນດາເຂດອຸດສາຫະກຳ ຫວຽດນາມ - ສິງກະໂປ (VSIP) ໄປສູ່ລຸ້ນທີ 2; ສູ້ຊົນບັນລຸ 30 ເຂດ VSIP ໃນປີ 2026. ພ້ອມດຽວກັນນັ້ນ, ກໍ່ສະເໜີໃຫ້ ສິງກະໂປ ສືບຕໍ່ເພີ່ມທະວີການນຳເຂົ້າບັນດາປະເພດສິນຄ້າຜະລິດຕະພັນກະເສດ; ຜັນຂະຫຍາຍບົດບັນທຶກຄວາມເຂົ້າໃຈວ່າດ້ວຍການຮ່ວມມືການຄ້າເຂົ້າສານ, ຮັບປະກັນຄວາມໝັ້ນຄົງດ້ານສະບຽງອາຫານ. ສອງປະເທດ ກໍຕ້ອງຮ່ວມມືກັນຢ່າງແໜ້ນແຟ້ນໃນການກໍ່ສ້າງ ແລະ ພັດທະນາສູນການເງິນສາກົນ; ສົ່ງເສີມບັນດາທະນາຄານ, ກອງທຶນລົງທຶນ ແລະ ວິສາຫະກິດເຕັກໂນໂລຢີການເງິນຂອງ ສິງກະໂປ ເປີດກວ້າງການຮ່ວມມື ແລະ ການເຄື່ອນໄຫວໄລຍະຍາວຢູ່ ຫວຽດນາມ, ເປີດກວ້າງການລົງທຶນໃນຂົງເຂດພະລັງງານ, ການທ່ອງທ່ຽວ, ການປ້ອງກັນຊາດ - ປ້ອງກັນຄວາມສະຫງົບ…

ທ່ານນາຍົກລັດຖະມົນຕີ ສິງກະໂປ Lawrence ເຫັນດີເປັນເອກະພາບຕັ້ງໜ້າຮ່ວມມືທາງດ້ານພະລັງງານ, ຂົງເຂດການຄ້າ, ການປ້ອງກັນຊາດ - ປ້ອງກັນຄວາມສະຫງົບ. ພ້ອມທັງຢັ້ງຢືນ ຈະສືບຕໍ່ໜູນຊ່ວຍ ຫວຽດນາມ ໃນການພັດທະນາແຫຼ່ງຊັບພະຍາກອນມະນຸດ, ສົ່ງເສີມບັນດາມະຫາວິທະຍາໄລ ສິງກະໂປ ສະໜອງທຶນການສຶກສາ.

ສອງຝ່າຍໃຫ້ຄຳໝັ້ນສັນຍາສົມທົບກັນຢ່າງແໜ້ນແຟ້ນ, ເສີມຂະຫຍາຍປະສິດທິຜົນໃນປີ 2027 ເມື່ອ ຫວຽດນາມ ຮັບປະກັນບົດບາດເປັນເຈົ້າພາບຈັດປີ APEC ແລະ ສິງກະໂປ ຮັບດຳລົງບົດບາດເປັນປະທານ ອາຊຽນ.

ລ້າຍຮວາ