 ທີ່ພິທີລົງນາມ(ພາບ: UNDP ປະຈຳ ຫວຽດນາມ)
|
ວັນທີ 27 ກຸມພາ, ຢູ່ ຮ່າໂນ້ຍ, ອົງການສະຫະປະຊາຊາດເພື່ອການພັດທະນາ (UNDP) ແລະ ສະຖານທູດ ຍີ່ປຸ່ນ ປະຈຳ ຫວຽດນາມ ໄດ້ລົງນາມໃນຂໍ້ຕົກລົງແລກປ່ຽນເພື່ອເລີ່ມປະຕິບັດຂໍ້ລິເລີ່ມ “ຍົກສູງກຳລັງຄວາມສາມາດໜູນຊ່ວຍນະວັດຕະກຳຂອງສູນນະວັດຕະກຳແຫ່ງຊາດ”. ຂໍ້ລິເລີມແມ່ນເພື່ອແນໃສ່ຊ່ວຍເພີ່ມທະວີລະບົບຊີວະພາບນະວັດຕະກຳ, ຍົກສູງທີ່ຕັ້ງຂອງບັນດາວິສາຫະກິດ ຫວຽດນາມ, ພິເສດແມ່ນບັນດາບໍລິສັດ startup, ຍົກສູງກຳລັງແກ່ງແຍ້ງ, ແກ້ໄຂບັນດາສິ່ງທ້າທາຍໃນສັງຄົມ. ຂໍ້ລິເລີ່ມກໍ່ເອົາໃຈໃສ່ເຖິງບັນຫາມອບສິດໃຫ້ແກ່ແມ່ຍິງ, ລົບລ້າງຮົ້ວກີດຂວາງສຳລັບການເຂົ້າຮ່ວມຂອງແມ່ຍິງໃນຂົງເຂດນະວັດຕະກຳ ດ້ວຍເປົ້າໝາຍດຶງດູດວິສາຫະກິດ startup ໂດຍແມ່ຍິງເປັນຜູ້ນຳພາຢ່າງໜ້ອຍສຸດ 30% ເຂົ້າໃນບັນດາຂໍ້ລິເລີ່ມສຳຄັນ.
ເຂົ້າຮ່ວມພິທີລົງນາມ, ທ່ານ ຫວູ້ກວັກຮຸຍ, ຫົວໜ້າສູນນະວັດຕະກຳແຫ່ງຊາດ (NIC), ຖືວ່າ ບັນດາໝາກຜົນຂອງຂໍ້ລິເລີ່ມຈະຕອບສະໜອງຢ່າງຖືກຕ້ອງຕາມຄວາມຮຽກຮ້ອງຂອງສູນໃນປີ 2025 ແລະ 2026, ພິເສດແມ່ນການສ້າງສຳເລັດຮູບແບບກອງທຶນນະວັດຕະກຳແຫ່ງຊາດ ແລະ ສ້າງຕັ້ງເຂດເຮັດວຽກລວມຢູ່ NIC ຮ່ວາລາກ, ດ້ວຍວິໄສທັດນຳ NIC ຮ່ວາລາກ ໃຫ້ກາຍເປັນຈຸດນັດພົບຂອງນະວັດຕະກຳລະດັບຊາດ ແລະ ພາກພື້ນ.
