ຕາມທ່າອ່ຽງພັດທະນາກະສິກຳທັນສະໄໝ ມີຊາວກະສິກອນຫຼາຍຄົນຜະລິດແນວເຂົ້າໃໝ່ ສ່ວນທ່ານ ຕືຫວຽດ ໄດ້ເລືອກເອົາວິທີກັບຄືນສູ່ການຜະລິດເຂົ້ານາປີໄລຍະຍາວ ປູກປີລະລະດູການ ສຳລັບທ່ານແລ້ວ, ບັນດາແນວພັນເຂົ້ານາປີ ບໍ່ພຽງແຕ່ແມ່ນແນວປູກເທົ່ານັ້ນ ຫາກຍັງແມ່ນໄລຍະທາງນັບຮ້ອຍປີທີ່ເໝາະສົມກັບທຳມະຊາດ ນີ້ກໍ່ແມ່ນແຫ່ງເກັບຮັກສາຄວາມຮູ້ໃນການປູກຝັງວັດທະນະທຳ ແລະ ວິຖີວິດຂອງປະຊາຊົນເຂດແມ່ນ້ຳລຳເຊ. ທ່ານ ຫວຽດ ໃຫ້ຮູ້ວ່າ:
“ຂ້າພະເຈົ້າບໍ່ແມ່ນຜູ້ຮັກສາແນວພັນເຂົ້ານາປີ ແລະ ກໍ່ບໍ່ແມ່ນອະນຸລັກຮັກສາຕົ້ນເຂົ້າ. ຂ້າພະເຈົ້າພຽງແຕ່ຟື້ນຟູຜ່ານແນວພັນເຂົ້ານາປີ ເພື່ອສ້າງຈຸດວັດທະນະທຳການດຳເນີນຊີວິດ, ວິທີພົວພັນການຜະລິດຂອງຊາວກະສິກອນເມື່ອກ່ອນນີ້ ກັບສິ່ງແວດລ້ອມເນື້ອທີ່ໄຮ່ນາຮົ້ວສວນ”.
ເພື່ອປະຕິບັດຄວາມໄຝ່ຝັນອະນຸລັກພື້ນຖານກະສິກຳທີ່ມີມາແຕ່ດົນນານ ທ່ານ ຕືຫວຽດ ໄດ້ເກັບກຳບັນດາແນວເຂົ້ານາປີ ນັບແຕ່ປີ 2008 ຢູ່ເຂດຕ່າງໆຄື ອານປຽນ ອານມິງ ແລະ ອື່ນໆ ທ່ານຍັງຊອກຫາໄປສະຖາບັນຄົ້ນຄວ້າພັດທະນາເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ ຂອງມະຫາວິທະຍາໄລ ເກິ່ນເທີ ເຊິ່ງແມ່ນບ່ອນເກັບຮັກສາທະນາຄານແນວພັນເຂົ້າ ປີ 2017 ທ່ານໄດ້ເລີ່ມສ້າງຟາມວັດທະນະທຳເຂົ້ານາປີໃນເນື້ອທີ່ 3 ເຮັກຕາ ລົງເລິກປູກເຂົ້ານາປີທີ່ເປັນແຜ່ຫຼາຍໄລຍະໜຶ່ງ ແຕ່ຄ່ອຍໆຖືກສູນຫາຍໄປ ຍ້ອນສະມັດຕະພາບມູນຄ່າເສດຖະກິດບໍ່ທໍ່ກັບແນວເຂົ້າປະສົມພັນ ທ່ານ ຫວຽດ ໃຫ້ຮູ້ຕໍ່ໄປວ່າ:
“ຍາມໃດຂ້າພະເຈົ້າກໍ່ຄຳນຶງເຖິງຮູບພາບຊາວກະສິກອນໄປເຮັດໄຮ່ເຮັດນາ. ຂະນະທີ່ເຂົາເຈົ້າໄປປັກດຳເຂົ້ານອກຈາກກັບເຂົ້າກິນກໍ່ຍັງມີວັດຖຸອຸປະກອນຮັບໃຊ້ກະສິກຳອີກດ້ວຍ. ເມື່ອປັກດຳແລ້ວເຂົາເຈົ້າກໍ່ກິນເຂົ້າ. ຊີວິດແມ່ນລຽບງ່າຍທີ່ສຸດ ຂ້າພະເຈົ້າບໍ່ອາດລືມໄດ້”.
ມາຮອດປັດຈຸບັນທ່ານໄດ້ຟື້ນຟູແນວພັນເຂົ້າກວ່າ 40 ຊະນິດ ໃນນັ້ນມີຫຼາຍແນວພັນຫາຍາກ ດ້ວຍວິທີຫາຍາກ ແລະ ເປັນເອກະລັກນີ້ ຝ່າຍ ໄທ ໄດ້ເຊື້ອເຊີນທ່ານ ຕື ມາເຂົ້າຮ່ວມກຸ່ມຮັກສາແນວພັນເຂົ້າທ້ອງຖິ່ນຢູ່ພາກພື້ນອາຊີຕາເວັນອອກສຽງໃຕ້ ບັນດາມະຫາວິທະຍາໄລຢູ່ ຍີ່ປຸ່ນ ໄທ ກໍ່ມາຊອກຄວາມເຂົ້າໃຈ. ທ່ານ ຫວຽດ ໃຫ້ຮູ້ວ່າ:
“ປີ 2023 ກໍ່ມີເພື່ອນບາງຄົນຢູ່ ໄທ ໄດ້ມາທັດສະນະສຶກສາ ເຂົາເຈົ້າເວົ້າວ່າ ພວກເຂົາຈະເຊື້ອເຊີນເຮົາໄປ ໄທ ແລະ ຢູ່ຫັ້ນກໍ່ມີບາງຄົນຄື ເຮົາ. ເດືອນ ກຸມພາ ປີ 2025 ຂ້າພະເຈົ້າໄດ້ຮັບການເຊື້ອເຊີນໄປ ໄທ ເພື່ອເຂົ້າຮ່ວມງານບຸນແນວພັນເຂົ້າ. ສຳລັບງານບຸນນີ້ ໄທ ກໍ່ໄດ້ຈັດຕັ້ງເປັນເທື່ອທີ 25 ແລ້ວ”.
ຕາມບັນດານັກຄົ້ນຄວ້າແລ້ວ ເຖິງວ່າປະສິດທິຜົນຂອງຮູບແບບເຂົ້ານາປີກໍ່ຕ້ອງການມີເວລາຕື່ມອີກ ເພື່ອຕີລາຄາກໍ່ຕາມ ແຕ່ຄຸນຄ່າກ່ຽວກັບສິ່ງແວດລ້ອມ ແລະ ສັງຄົມແມ່ນໃຫຍ່ຫຼວງທີ່ສຸດ ປະກອບສ່ວນອະນຸລັກຊີວິນາໆພັນຮັກສາແນວພັນເຂົ້າຢູ່ທ້ອງຖິ່ນ ແລະ ຟື້ນຟູລະບົບຊີວະພາບທຳມະຊາດ ທ່ານ ປະລິນຍາເອກ ຫງວຽນວັນກ່ຽນ ຜູ້ອຳນວຍການບໍລິສັດແມ່ຂອງ ໂອແກນນິກ ໃຫ້ຮູ້ວ່າ:
“ຂ້າພະເຈົ້າກໍ່ໄດ້ເຂົ້າຮ່ວມຄົ້ນຄວ້າອະນຸລັກລະບົບເຂົ້ານາປີຢູ່ແຂວງ ອານຢາງ. ດັ່ງນັ້ນເມື່ອເຫັນທ່ານ ຕືຫວຽດ ເຮັດວຽກງານນີ້, ຂ້າພະເຈົ້າກໍເຫັນວ່າດີທີ່ສຸດ. ວຽກງານນີ້ກໍ່ມີຄວາມໝາຍຕໍ່ການອະນຸລັກ ແລະ ຂ້າພະເຈົ້າໄດ້ສະໜັບສະໜູນທ່ານ ຫວຽດ ຢ່າງແທ້ຈິງ”.
ໃນອາຍຸ 60 ປີປາຍແລ້ວ ແຕ່ທ່ານ ຕືຫວຽດ ດ້ວຍທິດສະດີທີ່ລຽບງ່າຍວ່າ ຢາກມີເຂົ້າມີຄຸນນະພາບສູງ ເຂົ້າສານສະອາດກໍ່ຕ້ອງມີດິນອຸດົມສົມບູນ ຢາກໃຫ້ມີດິນອຸດົມສົມບູນ ກໍຕ້ອງເຄົາລົບ ແລະ ປົກປັກຮັກຮັກສິ່ງທີ່ມີຊີວິດທີ່ມີຄຸນປະໂຫຍດ ເຊິ່ງປູ່ຍ່າຕາຍາຍເຮົາໄດ້ເຮັດມານັບ ຮ້ອຍປີກ່ອນນີ້ ແມ່ນພື້ນຖານກະສິກຳເປັນມິດກັບທຳມະຊາດ ແລະ ໝັ້ນຄົງ ຜ່ານບັນດາເນື້ອທີ່ເຂົ້ານາປີ ໄວ້ໜຸ່ມຈະມີຄວາມເຂົ້າໃຈຫຼາຍກວ່າກ່ຽວກັບອະດີດຕະການ ແລະ ກ້າວເດີນຢ່າງໝັ້ນຄົງໃນອະນາຄົດ.
