(vovworld) - ວັນທີ 22/1, ຄະນະເລຂາ ອາຊຽນ ໄດ້ອອກຖະແຫລງການໃຫ້ຮູ້ວ່າ: 10 ປະເທດສະມາຊິກ ອາຊຽນ ທັງໝົດໄດ້ພ້ອມກັນລົງນາມໃນສົນທິສັນຍາ ອາຊຽນ ກ່ຽວກັບການຕ້ານກໍ່ການຮ້າຍ (ACCT). ສົນທິສັນຍາສະບັບດັ່ງກ່າວໂດຍບັນດາການນຳ ອາຊຽນ ລົງນາມເມື່ອປີ 2007 ແລະ ໄດ້ຮັບຖືວ່າ ແມ່ນສັນຍາແມ່ໃຫ້ແກ່ການຮ່ວມມືພາກພື້ນໃນການປ້ອງກັນ, ຕ້ານ, ສະກັດກັ້ນ ແລະ ລົບລ້າງກໍ່ການຮ້າຍ. ສົນທິສັນຍາກໍເປັນການຊ່ວຍເພີ່ມທະວີການຮ່ວມມືຕ້ານກໍ່ການຮ້າຍໃນພາກພື້ນ ແລະ ເຮັດໃຫ້ບົດບາດຍຸດທະສາດຂອງ ອາຊຽນ ໃນການຕໍ່ສູ້ຕ້ານກໍ່ການຮ້າຍໃນທົ່ວໂລກ ສູງກວ່າ. ຕາມການກຳນົດແລ້ວ, ສົນທິສັນຍາສະບັບດັ່ງກ່າວມີຜົນສັກສິດຢ່າງເປັນທາງການນັບແຕ່ວັນທີ 27/5/2011 ເປັນຕົ້ນໄປ, ພາຍຫລັງ 30 ມື້ທີ່ 6 ປະເທດໃນຈຳນວນ 10 ປະເທດສະມາຊິກ ອາຊຽນ ລົງລາຍເຊັນຮັບຮອງເອົາ ແລະ ຍື່ນສະເຫນີຕໍ່ຄະນະເລຂາ ອາຊຽນ. ດ້ວຍເລື່ອງ 10 ປະເທດສະມາຊິກ ອາຊຽນ ທັງໝົດ ຮັບຮອງເອົາ ສົນທິສັນຍາ ສະບັບດັ່ງກ່າວ, ອາຊຽນ ມີບາດກ້າວຫນຶ່ງທີ່ສຳຄັນໃນຄວາມານະພະຍາຍາມສ້າງຕັ້ງປະຊາຄົມ ດ້ານການເມືອງ, ຄວາມໝັ້ນຄົງ ເພື່ອນຳ ອາຊຽນ ໃຫ້ນັບມື້ນັບກາຍເປັນພາກພື້ນໝັ້ນຄົງ ແລະ ປອດໄພແກ່ບັນດາລັດຖະບານກໍຄືປະຊາຊົນແຕ່ລະຄົນກວ່າ.