(ພາບປະກອບ)

ໃນມື້ປະຊຸມທຳອິດ ວັນທີ 12 ພຶດສະພາ ຢູ່ນະຄອນທ່າກ່ຳປັ່ນ Bari ທາງພາກໃຕ້ປະເທດ ອີຕາລີ, ບັນດາລັດຖະມົນຕີກະຊວງການເງິນ G7 ໄດ້ສຸມໃສ່ປຶກສາຫາລືບັນດາມາດຕະການແກ້ໄຂສະພາບການຂາດຄວາມສະເໝີພາບ, ຊຶ່ງແມ່ນສາຍເຫດທີ່ນຳຜູ້ອອກສະໝັກຮັບເລືອກຕັ້ງ Marine Le Pen ທີ່ມີລັກສະນະຕ້ານການຫັນເປັນໂລກາພິວັດ ເຂົ້າສູ່ການເລືອກຕັ້ງປະທານາທິບໍດີ ຝະລັ່ງ ຜ່ານມາ, ກໍ່ຄືບົດບາດຕັດສິນຖອນອອກຈາກສະຫະພາບ ເອຣົບ (ອີຢູ) ຂອງຜູ້ມີສິດເລືອກຕັ້ງ ອັງກິດ. ຕາມການຄາດຄະເນແລ້ວ ອີຕາລີ ແມ່ນປະເທດຮັກສາບົດບາດເປັນປະທານໝູນວຽນ G7 ປີ 2017, ຈະຍົກອອກຖະແຫຼງການຮ່ວມ ພາຍຫລັງສິ້ນສຸດການເຮັດວຽກເປັນເວລາ 2 ວັນ, ໃນນັ້ນ ເນັ້ນໜັກເຖິງນ້ຳໃຈສາມັກຄີ ແລະ ເປັນເອກະພາບຂອງບັນດາປະເທດ. ກອງປະຊຸມຢູ່ Bari ດຳເນີນໄປໃນສະພາວະພວມເພີ່ມທະວີຄວາມວິຕົກກັງວົນລະຫວ່າງບັນດາຄູ່ຮ່ວມມື G7 ຂອງ ອາເມລິກາ ກ່ຽວກັບຍຸດທະສາດເສດຖະກິດ “ປະເທດ ອາເມລິກາ ເໜືອກ່ວາສິ່ງໃດໝົດ” ຊຶ່ງລັດຖະບານຂອງທ່ານປະທານາທິບໍດີ Donald Trump ມີແຜນນະໂຍບາຍເດີນຕາມ.