(vovworld): ຕອນເຊົ້າວັນທີ 30/1, ຄະນະພົວພັນຕ່າງປະເທດສູນກາງໄດ້ຈັດກອງປະຊຸມສະຫລຸບວຽກງານການຕ່າງປະເທດປະຊາຊົນປີ 2012 ແລະ ຜັນຂະຫຍາຍໜ້າທີ່ປີ 2013. ບົດລາຍງານຂອງຄະນະພົວພັນຕ່າງປະເທດສູນກາງ ແລະ ບົດປະກອບຄວາມເຫັນຂອງບັນດາຜູ້ແທນເຂົ້າຮ່ວມກອງປະຊຸມໃຫ້ເຫັນວ່າ, ວຽກງານການຕ່າງປະເທດປະຊາຊົນໃນປີຜ່ານມາບັນລຸໄດ້ຫຼາຍຜົນງານອັນຕັ້ງໜ້າ. ຫວຽດນາມ ໄດ້ເປັນເຈົ້າການ, ຕັ້ງໜ້າຜັນຂະຫຍາຍບັນດາການເຄືອ່ນໄຫວການຕ່າງປະເທດປະຊາຊົນ, ປັບປຸງການພົວພັນສາມັກຄີ, ມິດຕະພາບ ແລະ ການຮ່ວມມືກັບ ປະຊາຊົນປະເທດຕ່າງໆ, ປະກອບສ່ວນເປີດກ້ວາງການພົວພັນສາກົນ, ສ້າງສະພາບແວດລ້ອມແຫ່ງສັນຕິພາບ, ສະຖຽນລະພາບໃຫ້ແກ່ການພັດທະນາປະເທດຊາດກໍ່ຄືເສີມຂະຫຍາຍທີ່ຕັ້ງບົດບາດຂອງຫວຽດນາມ ໃນບັນດາເວທີປາໄສປະຊາຊົນ, ປະກອບສ່ວນໂດຍມີຄວາມຮັບຜິດຊອບໃຫ້ແກ່ບັນດາຂະບວນການປະຊາຊົນພາກພື້ນ ແລະ ສາກົນ. ກ່າວຄຳເຫັນທີ່ກອງປະຊຸມ, ທ່ານເລຮົ່ງແອງ, ກຳມະການກົມການເມືອງ, ຜູ້ປະຈຳການຄະນະເລຂາສະເໜີວ່າ:
“ຄະນະພົວພັນຕ່າງປະເທດສູນກາງ ແລະ ບັນດາຫົວໜ່ວຍສືບຕໍ່ປັບປຸງສາຍພົວພັນມິດຕະພາບໄວ້ເນື້ອເຊື່ອໃຈກັບປະຊາຊົນບັນດາປະເທດບ້ານໃກ້ເຮືອນຄຽງ, ປະເທດຕ່າງໆໃນພາກພື້ນ ແລະ ເປີດກ້ວາງການພົວພັນກັບເພື່ອນມິດໃນໂລກ, ປັບປຸງພາບພົດ ແລະ ທີ່ຕັ້ງບົດບາດຂອງຫວຽດນາມ ບົນເວທີສາກົນ. ພ້ອມກັນນັ້ນ, ເດັດດ່ຽວຕໍ່ສູ້ເພື່ອປົກປັກຮັກສາອະທິປະໄຕ ແລະ ຂົນຂວາຍມະຫາຊົນຕໍ່ສູ້ກັບບັນດາຖອ້ຍທຳນອງເສັກສັນປັ້ນແຕ່ງ“