ກອງປະຊຸມລັດຖະມົນຕີ ການເງິນ Eurozone
(ພາບ:vietnamplus.vn)
(vovworld)- ໃນວັນທີ 12 ແລະ 13/4, ຢູ່ນະຄອນ Dublin ຂອງປະເທດ ອຽກລັງ ໄດ້ຈັດກອງປະຊຸມລັດຖະມົນຕີການເງິນພາກພື້ນໃຊ້ສະກຸນເງິນເອີໂຣລວມ ( Eurozone). ສິ້ນສຸດວັນທີໜຶ່ງ, ກອງປະຊຸມໄດ້ຮັບຮອງເອົາເປັນຄັ້ງສຸດທ້າຍບ້ວງເງິນກູ້ຊ່ວຍ ສ.ໄຊປະຣັດ. ໃນຂະນະທີ່ມີຂ່າວເວົ້າວ່າ ປະເທດນີ້ຕ້ອງການເງິນກູ້ຊ່ວຍຫຼາຍກ່ວາການຄາດຄະເນໃນເບື້ອງຕົ້ນ. ບັນດາທ່ານລັດຖະມົນຕີການເງິນຍັງສະແດງໃຫ້ເຫັນຄວາມພຶງພໍໃຈຕໍ່ຄວາມມານະພະຍາຍາມຊື່ງລັດຖະບານ ສ.ໄຊປະຣັດ ປະຕິບັດເພື່ອແນ່ໃສ່ກູ້ຊ່ວຍເຂດການເງິນຂອງປະເທດນີ້, ພ້ອມທັງເຊື່ອໝັ້ນວ່າ ຂໍ້ຕົກລົງກູ້ຊ່ວຍຂອງສາກົນຈະຊ່ວຍ ສ.ໄຊປະຣັດ ກັບຄືນສູ່ວິວັດການເຕີບໂຕເສດຖະກິດໝັ້ນຄົງ. ກ່ຽວຂ້ອງເຖິງບ້ວງເງິນກູ້ຊ່ວຍປອກຕູການ ແລະ ອຽກລັງ, ບັນດາທ່ານລັດຖະມົນຕີການເງິນເຫັນດີຈະຕໍ່ກຳນົດເວລາຕື່ມອີກ 7 ປີ ເພື່ອຊຳລະບັນດາບ້ວງໜີ້. ນີ້ແມ່ນບາດກ້າວເດີນສຳຄັນເພື່ອມຸ້ງໄປເຖິງການຟື້ນຟູຢ່າງຄົບຖ້ວນຂອງບັນດາຕະຫຼາດການເງິນສຳລັບອຽກລັງ ແລະ ປອກຕູການ.