ເກາະ Cebu ຂອງປະເທດ ຟີລິບປິນ (ພາບ: suitcasestories.com)
(vovworld) - ກອງປະຊຸມລັດຖະມົນຕີການເງິນ ເວທີປາໄສການຮ່ວມມືເສດຖະກິດ ອາຊີ - ປາຊີຟິກ (APEC) ໄຂຂຶ້ນໃນວັນທີ 10/9 ຢູ່ເກາະ Cebu ຂອງປະເທດ ຟີລິບປິນ. ກ່າວຄຳເຫັນທີ່ພິທີໄຂກອງປະຊຸມ, ທ່ານລັດຖະມົນຕີວ່າການກະຊວງການເງິນ ຟິລີບປິນ Roberto Tan ຖືວ່າ: ບັນດາປະເທດ ອາຊີ - ປາຊີຟິກ ຕ້ອງສົມທົບກັບບັນດາຕະຫລາດການເງິນຢ່າງແໜ້ນແຟ້ນກ່ວາອີກ ເພື່ອແນໃສ່ຊຸກຍູ້ດ້ານການຄ້າ ແລະ ການລົງທຶນ. ທ່ານລັດຖະມົນຕີ Roberto Tan ຮຽກຮ້ອງດຳເນີນການປະຕິຮູບດ້ານການເງິນ ເພື່ອແນໃສ່ຮັບປະກັນນະໂຍບາຍ ນຳມາເຊິ່ງປະສິດທິຜົນສູງກ່ວາເກົ່າ, ພ້ອມທັງ, ເນັ້ນໜັກເຖິງຄວາມສຳຄັນຂອງການພົວພັນຄູ່ຮ່ວມມືພາກລັດ - ເອກະຊົນໃນການສະໜອງທຶນ ແລະ ຕອບສະໜອງຄວາມຕ້ອງການກໍ່ສ້າງພື້ນຖານໂຄງລ່າງໃນພາດພື້ນ. ກອງປະຊຸມ APEC ປີນີ້ ດຳເນີນໄປໃນສະພາບທີ່ລະດັບເຕີບໂຕຂອງຈີນ, ເຊິ່ງແມ່ນພື້ນຖານເສດຖະກິດໃຫຍ່ອັນດັບ 2 ຂອງໂລກພວມຊັກຊ້າໄວ້ ແລະ ບັນດາການຜັນແປຫວ່າງແລ້ວນີ້ ໃນຕະຫລາດການເງິນທົ່ວໂລກ, ພາຍຫລັງທີ່ຈີນດັບປັບອັດຕາແລກປ່ຽນເງິນຢວນ.