ກອງປະຊຸມສຳມະນາຄັ້ງທີ 11 ລະຫວ່າງພັກກອມມູນິດຫວຽດນາມ ແລະ ພັກກອມມູນິດຈີນ
ທ່ານ ດິງເທ້ຮິງ ເລຂາສູນກາງພັກ, ຫົວໜ້າຄະນະໂຄສະນາສຶກສາສູນກາງ, ປະທານສະພາທິດສະດີສູນກາງ |
(vovworld)- ຕອນເຊົ້າວັນທີ 17/6, ກອງປະຊຸມສຳມະນາຄັ້ງທີ 11 ລະຫວ່າງພັກກອມມູນິດຫວຽດນາມ ແລະ ພັກກອມມູນິດຈີນດວ້ຍຫົວຂໍ້ “ຄຸ້ມຄອງ, ພັດທະນາສັງຄົມ-ບົດຮຽນຈາກຫວຽດນາມ ແລະ ບົດຮຽນຈາກຈີນ” ໄດ້ໂກໄຂຂຶ້ນຢູ່ນະຄອນຊຽງໄຮ, ປະເທດຈີນ. ຄະນະຜູ້ແທນພັກກອມມູນິດຫວຽດນາມ ໂດຍທ່ານ ດິງເທ້ຮິງ ເລຂາສູນກາງພັກ, ຫົວໜ້າຄະນະໂຄສະນາສຶກສາສູນກາງ, ປະທານສະພາທິດສະດີສູນກາງເປັນຫົວໜ້າຄະນະ. ຄະນະຜູ້ແທນພັກ ພັກກອມມູນິດຈີນ ໂດຍທ່ານ ລິວສີຟ່າວ ເລຂາຄະນະເລຂາສູນກາງພັກ, ຫົວໜ້າຄະນະໂຄສະນາສູນກາງ ພັກກອມມູນິດຈີນເປັນຫົວໜ້າຄະນະ . ທີ່ພິທີໄຂ, ທ່ານ ດິງເທ້ຮິງ ເລຂາສູນກາງພັກ, ຫົວໜ້າຄະນະໂຄສະນາສຶກສາສູນກາງ, ປະທານສະພາທິດສະດີສູນກາງ ໄດ້ເນັ້ນໜັກວ່າ : ພັກກອມມູນິດຫວຽດນາມ ໄດ້ຮັບຮູ້ວ່າ ການປ່ຽນແປງໃໝ່ແມ່ນພາລະກິດຂອງປະຊາຊົນ, ໂດຍປະຊາຊົນ ແລະ ເພື່ອປະຊາຊົນ, ເພາະສະນັ້ນ, ນອກຈາກໜ້າທີ່ພັດທະນາເສດຖະກິດນັ້ນ, ຕ້ອງເອົາໃຈໃສ່ພິເສດເຖິງບັນດາບັນຫາສັງຄົມ, ເປັນຕົ້ນແມ່ນນະໂຍບາຍໜູນຊ່ວຍສັງຄົມ ແລະ ສະຫວັດດີການສັງຄົມໃຫ້ແກ່ປະຊາຊົນ. ຫົວໜ້າຄະນະຜູ້ແທນທັງ 2 ຍັງຢືນຢັນບົດບາດ ແລະ ຄວາມໝາຍສຳຄັນຂອງກອງປະຊຸມສຳມະນາລະຫວ່າງພັກກອມມູນິດຫວຽດນາມ ແລະ ພັກກອມມູນິດຈີນ.