(vovworld) - ວັນທີ 8/7, ເມື່ອຕອບຄຳຖາມຂອງນັກຂ່າວຫວຽດນາມ ແລະ ຕ່າງປະເທດຫຼາຍຄົນກ່ຽວກັບເລື່ອງກຳປັ່ນຫາປາກວາງຫງາຍ ພ້ອມກັບຊາວປະມົງຫວຽດນາມ 6 ຄົນຖືກຈີນຈັບຕົວຫວ່າງແລ້ວນີ້, ທ່ານ ເລືອງແທງກວາງ, ຜູ້ຊ່ວຍວຽກຫົວໜ້າກົມ, ຫົວໜ້າຫ້ອງປົກປ້ອງພົນລະເມືອງ ແລະ ນິຕິບຸກຄົນຫວຽດນາມຢູ່ຕ່າງປະເທດ, ກົມກົງສູນ, ກະຊວງການຕ່າງປະເທດຫວຽດນາມໃຫ້ຮູ້ວ່າ: ວັນທີ 6/7/2014, ຜູ້ຕາງໜ້າກົມກົງສູນ, ກະຊວງການຕ່າງປະເທດຫວຽດນາມ ໄດ້ພົບປະກັບຜູ້ຕາງໜ້າສະຖານທູດຈີນຢູ່ຮ່າໂນ້ຍ ສະເໜີຝ່າຍຈີນອອກແຈ້ງຂ່າວຢ່າງເປັນທາງການໃຫ້ຝ່າຍຫວຽດນາມກ່ຽວກັບສາຍເຫດທີ່ພາໃຫ້ຈີນຈັບເອົາກຳ່ປັ່ນຫາປາ ກວາງຫງາຍ ແລະ ຊາວປະມົງຫວຽດນາມ 6 ຄົນ ໃນວັນທີ 3/7 ຜ່ານມາ. ກ່ອນໜ້ານັ້ນ, ວັນທີ 5/7, ກະຊວງການຕ່າງປະເທດຫວຽດນາມ ໄດ້ຊີ້ນຳໃຫ້ສະຖານທູດຫວຽດນາມຢູ່ປັກກິງ ເຮັດວຽກກັບບັນດາອົງການທີ່ກ່ຽວຂ້ອງຂອງຈີນ ເພື່ອຮັບຮູ້ຂ່າວດັ່ງດ່າວ ແລະ ມີມາດຕະການປົກປ້ອງບັນດາຊາວປະມົງນີ້