(ພາບ:quanhta.com.vn)
(vovworld)- ພາຍຫຼັງຂຶ້ນຄອງລາຊະບັນລັງເປັນເວລາ 20 ປີ, ວັນທີ 21/7, ກະສັດແບນຊິກ Albert II ໄດ້ຕົກລົງສະຫຼະລາຊະບັນລັງ ແລະ ມອບລາຊະບັນລັງໃຫ້ພະໂອລົດເຈົ້າຟ້າຊາຍ Philippe. ເປັນອັນວ່າ: ເຈົ້າຟ້າຊາຍ Philippe, ອາຍຸ 53 ປີ, ກາຍເປັນກະສັດອົງທີ 7 ຂອງລາຊະອານາຈັກແບນຊິກ. ໃນພິທີຈັດຂຶ້ນຢ່າງສົມກຽດຢູ່ວັງພະບໍລົມວົງສານຸວົງ, ກະສັດແບນຊິກ Albert II ໄດ້ລົງນາມໃນເອກະສານສະຫຼະລາຊະບັນລັງໂດຍພາຍໃຕ້ການເປັນສັກຂີພິຍານຂອງຜູ້ມີຍົດຖາບັນດາສັກ ແລະ ຜູ້ນຳການເມືອງແບນຊິກ 250 ທ່ານ. ກ່າວຄຳເຫັນພາຍຫຼັງສະຫຼະລາຊະບັນລັງ, ກະສັດແບນຊິກ Albert II ສະແດງຄວາມເຊື່ອໝັ້ນຢ່າງເດັດຂາດຕໍ່ລູກຊາຍຂອງຕົນ ແລະ ເນັ້ນໜັກວ່າ: ເຈົ້າຟ້າຊາຍ Philippe ມີຄຸນນະທາດອັນຈຳເປັນຢ່າງພຽງພໍເພື່ອສາມາດຮັບໃຊ້ປະເທດຊາດໄດ້. ໃນວັນດຽວກັນ, ເຈົ້າຟ້າຊາຍ Philippe ໄດ້ດຳເນີນພິທີສາບານຕົວເຂົ້າດຳລົງຕຳແໜ່ງຕໍ່ໜ້າສະພາແຫ່ງຊາດ.