Tokopedia - ໂປຼແກຼມການຄ້າອອນລາຍແຖວໜ້າ ຢູ່ ອິນໂດເນເຊຍ (ພາບ:Tokopedia)

ສິ່ງດັ່ງກ່າວ ໄດ້ສະແດງໃຫ້ເຫັນຜ່ານ ວັນຊື້ຂາຍອອນລາຍ ສະມາຄົມ ອາຊຽນ 2021 ເຊິ່ງຖືກຈັດຂຶ້ນໃນລະຫວ່າງວັນທີ 8 ຫາ ວັນທີ 10 ສິງຫາ. ນີ້ແມ່ນຄັ້ງທີ 2 ທີ່ບັນດາປະເທດສະມາຊິກ ອາຊຽນ ຈັດຕັ້ງວັນຊື້ຂາຍອອນລາຍ ອາຊຽນ - ເຊິ່ງເປັນຂໍ້ເລີ່ມຂອງ ຫວຽດນາມ ເມື່ອປີ 2020. ເຫດການດັ່ງກ່າວ ຖືກຈັດຂຶ້ນປະຈຳປີ ເພື່ອອຳນວຍຄວາມສະດວກແກ່ການຊຸກຍູ້ການຄ້າເອເລັກໂຕນິກຂ້າມຊາດ ແລະ ໜູນຊ່ວຍບັນດາວິສາຫະກິດຂະໜາດກາງ ແລະ ນ້ອຍ ຢູ່ທ້ອງຖິ່ນ, ສ້າງກາລະໂອກາດໃຫ້ບັນດາຜູ້ຄ້າຂາຍຍ່ອຍໃນຫຼາຍຂົງເຂດທີ່ແຕກຕ່າງກັນ ໄດ້ແນະນຳຜະລິດຕະພັນຂອງຕົນ ແລະ ເຂົ້າເຖິງຕະຫຼາດທີ່ກວ້າງໃຫຍ່ກວ່າໃນພາກພື້ນ.

ຕາມການລາຍງານຂອງ Lazada  ໂປຼແກຼມການຄ້າອອນລາຍແຖວໜ້າໃນອາຊີຕາເວັນອອກສ່ຽງໃຕ້ ຫາກໍປະກາດຫວ່າງມໍ່ໆມານີ້, ມີເຖິງ 52% ຮ້ານຂາຍເຄື່ອງຢູ່ ອິນໂດເນເຊຍ, ຟີລິບປິນ, ໄທ, ຫວຽດນາມ, ມາເລເຊຍ ແລະ ສິງກະໂປ ບັນລຸລາຍຮັບສູງໃນຊຸມເດືອນຕົ້ນປີ 2021, ໃນຂະນະທີ່ 70% ໄດ້ຕັ້ງຄວາມຫວັງວ່າ ລະດັບການເພີ່ມລາຍຮັບ ຈະສືບຕໍ່ໄດ້ຍົກສູງຂຶ້ນຕື່ມອີກປະມານ 10% ໃນໄຕມາດທີ 3 ປີ 2021.