(vovworld) - ການປະທະກັນຄັ້ງຕ່າງໆ ລະຫວ່າງ ຜູ້ແຫ່ຂະບວນປະທ້ວງ ແລະ ຕຳຫຼວດຕ້ານການຈາລະຈົນສືບຕໍ່ເກີດຂຶ້ນຢູ່ແຂວງ, ນະຄອນ ຈຳນວນໜຶ່ງຂອງ ອີຢິບ. ວັນທີ 1/ 2, ຜູ້ແຫ່ຂະບວນປະທ້ວງໄດ້ຖິ້ມດິນຈີ່, ກ້ອນຫິນ, ໝາກກະໂພກ ແລະ ລະເບີດແອດຊັງໃສ່ສຳນັກງານປະທານາທິບໍດີຢູ່ນະຄອນຫຼວງ ກາຍໂຣ. ການປະທະກັນເກີດຂຶ້ນ ເມື່ອ ກະຊວງພາຍໃນໃຫ້ຜັນຂະຫຍາຍລົດຫຸ້ມເກາະ 5 ຄັນ, ຍິງແກັດນ້ຳຕາ ເພື່ອຍຸບເລີກຜູ້ແຫ່ຂະບວນປະທ້ວງ ແລະ ເຜົາຕູບຄ້າຍຂອງເຂົາເຈົ້າ. ຊາວໜຸ່ນຄົນໜຶ່ງຖືກຍິງຕາຍ ແລະ 68 ຄົນຮັບບາດເຈັບ ໃນການປະທະກັນຄັ້ງນີ້. ແລະກໍ່ໃນວັນດຽວກັນ, ຢູ່ນະຄອນ Alexandria, 2 ແຂວງ Suez ແລະ Port Said, ມີຜູ້ແຫ່ຂະບວນປະທ້ວງນັບພັນຄົນ ໄດ້ຮຽກຮ້ອງໃຫ້ທ່ານປະທານາທິບໍດີລົບລ້າງສະຖານະສຸກເສີນ ແລະ ລາອອກຈາກຕຳແໜ່ງ.