ດ້ວຍການເຂົ້າຮ່ວມຂອງຊາວຫວຽດນາມ, ພະນັກງານ, ນັກສຶກສາຫວຽດນາມ ທີ່ພວມດຳລົງຊີວິດ, ເຮັດວຽກ, ຮ່ຳຮຽນຢູ່ນະຄອນນິວຢອກ ແລະ ເຂດໃກ້ຄຽງເກືອບ 400 ຄົນ. ກ່າວຄຳເຫັນທີ່ການພົບປະ, ທ່ານເອກອັກຄະລັດຖະທູດຫວຽດນາມ ດັ້ງດິງກຸຍ, ຫົວໜ້າຄະນະຜູ້ຕາງໜ້າຫວຽດນາມ ປະຈຳສະຫະປະຊາຊາດ ໄດ້ຢືນຢັນວ່າ ຜົນງານພັດທະນາປະເທດຊາດໃນຊຸມປີຜ່ານມາ ໄດ້ ແລະ ພວມສ້າງຄວາມພາກພູມໃຈ ແລະ ຄວາມເຊື່ອໝັ້ນໃນຈິດໃຈຂອງປະຊາຊົນຫວຽດນາມ ເຂົ້າໃນການຊີ້ນຳນຳພາຂອງພັກ, ລັດ, ເຂົ້າໃນໄຊຊະນະຂອງພາລະກິດແຫ່ງການປ່ຽນແປງໃໝ່, ສ້າງສາ ແລະ ປົກປັກຮັກສາປະເທດຊາດ. ໃນຂົງເຂດການຕ່າງປະເທດ, ຫວຽດນາມ ຈະສືບຕໍ່ຍູ້ແຮງການພົວພັນທາງການທູດຫຼາຍຝ່າຍ, ຕັ້ງໜ້າຂົນຂວາຍເພື່ອໄດ້ຮັບການເລືອກຕັ້ງເປັນສະມາຊິກບໍ່ປະຈຳການຂອງສະພາຄວາມໝັ້ນຄົງສະຫະປະຊາຊາດ ອາຍຸການ 2020 – 2021.

(ທ່ານນາງເອກອັກຄະລັດຖະທູດຫວຽດນາມ ປະຈຳໂຮນລັງ ໂງທິຮ່ວາ)

ກ່າວຄຳເຫັນທີ່ການພົບປະໃນໂອກາດບຸນປີໃໝ່ປີກຸນ 2019, ທ່ານນາງເອກອັກຄະລັດຖະທູດຫວຽດນາມ ປະຈຳໂຮນລັງ ໂງທິຮ່ວາ ຫວັງວ່າ, ພໍ່ແມ່ພີ່ນ້ອງ, ນັກສຶກສາທີ່ພວມຮ່ຳຮຽນຢູ່ໂຮນລັງ ຈະສືບຕໍ່ເສີມຂະຫຍາຍຄຸນນະທາດ, ພູມປັນຍາ ແລະ ມູນເຊື້ອຮັກຊາດຂອງຫວຽດນາມ; ຍາມໃດກໍ່ສາມັກຄີກັນເປັນຈິດໜຶ່ງໃຈດຽວ, ພ້ອມກັນສູ້ຊົນສ້າງສາປະເທດຫວຽດນາມ ໃຫ້ຮັ່ງມີເຂັ້ມແຂງ.