ພິທີຕ້ອນຮັບທ່ານປະທານປະເທດເຈືອງເຕີນຊາງຖືກຈັດຂຶ້ນຢ່າງສົມກຽດ
|
(vovworld)- ໃນການຢ້ຽມຢາມທາງລັດຖະກິດເຖິງຍີ່ປຸ່ນຕາມຄຳເຊີນຂອງພະເຈົ້າຈັກກະພັດ ຍີ່ປຸ່ນ Akihito ແລະພະລາຊານີ, ຕອນເຊົ້າວັນທີ 17/3, ທ່ານປະທານປະເທດເຈືອງເຕີນຊາງ ແລະ ພັນລະຍາ ໄດ້ພົບປະແລກປ່ຽນຄຳເຫັນກັບພະເຈົ້າຈັກກະພັດຍີ່ປຸ່ນ ແລະ ພະລາຊານີ ພາຍຫລັງພິທີຕ້ອນຮັບຢ່າງເປັນທາງການ.
ນະທີ່ນີ້, ທ່ານປະທານປະເທດເຈືອງເຕີນຊາງ ໄດ້ເນັ້ນຫນັກວ່າ: ຍາມໃດຫວຽດນາມກໍບຸລິມະສິດສູງສຸດໃຫ້ແກ່ການພົວພັນຮ່ວມມືກັບຍີ່ປຸ່ນ ແລະ ປາດຖະຫນາຢາກພັດທະນາການພົວພັນອັນດີງາມນີ້ກວ່າອີກ, ຕອບສະຫນອງຜົນປະໂຫຍດແລະ ຄວາມມຸ່ງມາດປາດຖະຫນາຂອງປະຊາຊົນສອງປະເທດ.
ຕອນເຊົ້າວັນດຽວກັນ, ທ່ານປະທານປະເທດເຈືອງເຕີນຊາງ ໄດ້ຕ້ອນຮັບທ່ານ Masahiro Sacane, ຮອງປະທານສະຫະພັນເສດຖະກິດຍີ່ປຸ່ນ ແລະ ເຂົ້າຮ່ວມການພົບປະເຈລະຈານະໂຍບາຍກັບການນຳກຸ່ມບໍລິສັດໃຫຍ່ຂອງຍີ່ປຸ່ນ. ທ່ານປະທານປະເທດເຈືອງເຕີນຊາງ ສະເຫນີບັນດາວິສາຫະກິດຍີ່ປຸ່ນ ເອົາໃຈໃສ່ຮ່ວມມືກັບລັດຖະບານ ແລະ ວິສາຫະກິດຫວຽດນາມ ໃນຂົງເຂດການສຶກສາບຳລຸງສ້າງ ເພື່ອສະຫນອງແຫລ່ງຊັບພະຍາກອນມະນຸດມີຄຸນນະພາບສູງໃຫ້ແກ່ຫວຽດນາມ. ທ່ານປະທານປະເທດຢືນຢັນວ່າ: ຫວຽດນາມ ສືບຕໍ່ສ້າງເງື່ອນໄຂສະດວກໃຫ້ແກ່ບັນດານັກລົງທຶນຕ່າງປະເທດເວົ້າລວມ ແລະ ຍີ່ປຸ່ນ ເວົ້າສະເພາະ. ຕອນບ່າຍວັນດຽວກັນ, ທ່ານປະທານປະເທດເຈືອງເຕີນຊາງ ໄດ້ເຂົ້າຮວມເວທີປາໄສ ວິສາຫະກິດຫວຽດນາມ - ຍີ່ປຸ່ນ. ທ່ານປະທານປະເທດເຈືອງເຕີນຊາງ ປາດຖະຫນາດຢາກບັນດາວິສາຫະກິດ ຍີ່ປຸ່ນ ເປີດກວ້າງການດຳເນີນທຸລະກິດ ແລະ ລົງທຶນຢ່າງຍາວນານຢູ່ຫວຽດນາມ, ເປັນຕົ້ນໃນບັນດາຂົງເຂດເຕັກໂນໂລຊີສູງ, ພະລັງງານ, ຕໍ່ກຳປັ່ນ, ຜະລິດໂອໂຕ ແລະ ເຄື່ອງອາໄລ່ໂອໂຕ, ອຸດສາຫະກຳສຳຮອງ, ເຕັກໂນໂລຊີສື່ສານ, ເອເລັກໂຕນິກ, ກະສິກຳ, …
ໃນໂອກາດນີ້, ທ່ານປະທານປະເທດເຈືອງເຕີນຊາງ ເປັນສັກຂິພິຍານພິທີລົງນາມໃນບົດບັນທຶກຊ່ວຍຈຳລະຫວ່າງຫ້ອງການການຄ້າ ແລະ ອຸດສາຫະກຳ ຍີ່ປຸ່ນ ແລະ ຫ້ອງການການຄ້າ ແລະ ອຸດສາຫະກຳ ຫວຽດນາມ.