ການເລືອກຕັ້ງສະມາຊິກສະພາແຫ່ງຊາດ ຊຸດທີ XV ແມ່ນໂອກາດເພື່ອໃຫ້ປະຊາຊົນ ຫວຽດນາມ ສະແດງທັດສະນະຂອງຕົນໃນບັນດາບັນຫາສຳຄັນ
(VOVWORLD) - ການເລືອກຕັ້ງສະມາຊິກສະພາແຫ່ງຊາດຊຸດທີ XV ແລະ ສະມາຊິກສະພາປະຊາຊົນທຸກຂັ້ນ ອາຍຸການ 2021 – 2026 ຢູ່ ຫວຽດນາມ ຖືກດຳເນີນໃນວັນທີ 23 ພຶດສະພາ ແມ່ນໂອກາດເພື່ອໃຫ້ປະຊາຊົນ ຫວຽດນາມ ສະແດງທັດສະນະຂອງຕົນຕໍ່ບັນດາບັນຫາສຳຄັນ ເປັນຕົ້ນແມ່ນ ບຸກຄະລາກອນຄະນະການນຳຂອງປະເທດຊາດ ແລະ ບູລະນະກົງຈັກອຳນາດການປົກຄອງທ້ອງຖິ່ນ.
 ບາງເຂດເລືອກຕັ້ງຢູ່ແຂວງ ເງະອານ ຈັດການປ່ອນບັດເລືອກຕັ້ງສະມາຊິກສະພາແຫ່ງຊາດຊຸດທີ XV ກ່ອນເວລາກຳນົດ (ພາບປະກອບ: TTXVN) |
ນີ້ແມ່ນຄຳຢືນຢັນຂອງທ່ານ ສາດສະດາຈານ Carl Thayer ສັງກັດ ມະຫາວິທະຍາໄລ New South Wales ຂອງ ອົດສະຕາລີ.
ຕາມທ່ານ ສາດສະດາຈານ Carl Thayer ແລ້ວ, ໃນການເລືອກຕັ້ງປີນີ້, ມີຜູ້ມີສິດເລືອກຕັ້ງກວ່າ 69 ລ້ານຄົນ ມີເງື່ອນໄຂຢ່າງພຽງພໍເພື່ອໄປປ່ອນບັດ, ຜູ້ສະໝັກຮັບເລືອກຕັ້ງທັງໝົດ ໄດ້ຮັບການຕີລາຄາຢ່າງລະອຽດລະອໍ ເພື່ອຮັບປະກັນບັນລຸໄດ້ຕາມມາດຖານທີ່ໄດ້ວາງອອກ. ບັນຊີລາຍຊື່ຜູ້ສະໝັກຮັບເລືອກຕັ້ງທີ່ບັນລຸມາດຖານ ກໍສະແດງໃຫ້ເຫັນຄວາມອຸດົມສົມບູນຂອງພາກສ່ວນເຂົ້າຮ່ວມ. ອັດຕາຜູ້ສະໝັກຮັບເລືອກຕັ້ງເພດຍິງ ແລະ ຊາວເຜົ່າສ່ວນໜ້ອຍຢູ່ລະດັບສູງ, ດ້ວຍ 45% ຈຳນວນຜູ້ສະໝັກເລືອກຕັ້ງແມ່ນເພດຍິງ, ເຊິ່ງແມ່ນອັດຕາທີ່ສູງກວ່າເມື່ອທຽບໃສ່ມາດຖານຂອງໂລກ ແລະ 21% ຈຳນວນຜູ້ສະໝັກເລືອກຕັ້ງ ແມ່ນຊາວເຜົ່າສ່ວນໜ້ອຍ.