(vovworld) – ໜັງສືພິມ “The Australian” ສະບັບອອກວັນທີ 17/06 ໄດ້ລົງພິມບົດຂຽນຂອງທ່ານເອກອັກຄະລັດຖະທູດຫວຽດນາມ ປະຈຳອົດສຕາລີ ເລືອງແທງຫີ້ງ ດ້ວຍຫົວຂໍ້ “ກົດໝາຍທະເລ ແລະ ກຳນົດການກະທຳຂອງປະເທດຕ່າງໆ”, ໃນນັ້ນຢືນຢັນເລື່ອງຈີນ ຕັ້ງຮ້ານເຈາະນ້ຳມັນໄຮ່ຢາງ 981 ຢ່າງຜິດກົດໝາຍໃນເຂດເສດຖະກິດຈຳເພາະ ແລະ ໄຫຼ່ທີວີບຂອງຫວຽດນາມ ແມ່ນການກະທຳເກາະຜິດ ແລະ ສືບຕໍ່ປິນຂັ້ນໄດຂອງຈີນຢູ່ທະເລຕາເວັນອອກ. ໂດຍຄັດສະເໜີບັນດາຂໍ້ກຳນົດໃນສັນທິສັນຍາສະຫະປະຊາຊາດກ່ຽວກັບກົດໝາຍທະເລປີ 1982 (UNCLOS) ເຊິ່ງທັງຫວຽດນາມ ແລະ ຈີນ ລ້ວນແຕ່ເປັນສະມາຊິກ, ທ່ານເອກອັກຄະລັດຖະທູດ ເລືອງແທງຫງີ້ ຊີ້ແຈ້ງວ່າ ເລື່ອງຈີນຕັ້ງຮ້ານເຈາະນ້ຳມັນໃນບໍລິເວນຫາງຈາກເສັ້ນພື້ນຖານຂອງຫວຽດນາມ ແຕ່ 120 – 150 ໄມ້ທະເລ ແມ່ນໄດ້ລະເມີດສິດຜົນປະໂຫຍດອັນຊອບທຳຂອງຫວຽດນາມ ຢ່າງຈະແຈ້ງ ແລະ ບໍ່ຫົວຊາຕໍ່ກົດໝາຍສາກົນ. ຈີນຕັ້ງໃຈເມີນເສີຍຕໍ່ 3 ສະພາບຕົວຈິງທີ່ສຳຄັນນັ້ນແມ່ນ: ທີ່ໜຶ່ງ ຫວຽດນາມ ມີພື້ນຖານດ້ານປະຫວັດສາດທີ່ໜ້າໄວ້ເນື້ອເຊື່ອໃຈ ແລະ ພື້ນຖານດ້ານກົດໝາຍ ກ່ຽວກັບການຄຸ້ມຄອງຢ່າງລຽນຕິດ, ມີປະສິດທິຜົນສຳລັບໝູ່ເກາະຮ່ວາງຊາ ແລະ ເຈື່ອງຊາ ຂອງອຳນາດການປົກຄອງສະໄໝຕ່າງໆຂອງ ຫວຽດນາມ ຢ່າງຊ້າແມ່ນນັບແຕ່ສະຕະວັດທີ 17. ທີ່ 2, ໝູ່ເກາະ ຮ່ວາງຊາ ຖືກຈີນ ນຳໃຊ້ອາວຸດເພື່ອຢືດຄອງ ເມື່ອປີ 1974, ບໍ່ມີເວລາໄດທີ່ຫວຽດນາມ ຮັບຮູ້ການຢືດຄອງຢ່າງຜິດກົດໝາຍຂອງຈີນ ແລະ ຢັ້ງຢືນອະທິປະໄຕຂອງຕົນສຳລັບໝູ່ເກາະຮ່ວາງຊາ ຢ່າງລ່ຽນຕິດ. ທີ 3 ແມ່ນ, ຄວາມຮຽກຮ້ອງກ່ຽວກັບ “ສິດປະຫວັດສາດ” ບໍ່ເໝາະສົມກັບບັນດາຂໍ້ກຳນົດຂອງ UNCLOS. ທ່ານເອກອັກຄະລັດຖະທູດຢືນຢັນວ່າ ບັນດາຂໍ້ອ້າງຂອງຈີນ ສຳລັບເລື່ອງຕັ້ງຮ້ານເຈາະນ້ຳມັນໄຮ່ຢາງ 981 ແມ່ນບໍ່ເປັນໜ້າໄວ້ເນື້ອເຊື່ອໃຈທັງໃນຕົວຈິງ ແລະ ດ້ານກົດໝາຍ.